November 29, 2022
November 29, 2022

ન તો અંબાણી કે ન અદાણી… શિવ નાદર છે સૌથી મોટા ‘દાનવીર’

દરરોજ 3 કરોડ રુપિયા દાન, અઝીમ પ્રેમજીને પણ પાછળ છોડી દીધા

શિવ નાદર દેશના સૌથી મોટા દાનવીર અબજોપતિઓની યાદીમાં સૌથી આગળ છે. EdelGive Hurun India Philanthropy List 2022 મુજબ, IT કંપની HCLના સ્થાપક શિવ નાદારે વાર્ષિક રૂ. 1,161 કરોડનું દાન આપ્યું છે. તે મુજબ, એવું કહી શકાય કે શિવ નાદરે દરરોજ ચેરિટી માટે 3 કરોડ રૂપિયા દાન કર્યા છે.

અઝીમ પ્રેમજીથી આગળ નીકળી ગયા

આ સાથે શિવ નાદરે આઈટી કંપની વિપ્રોના સ્થાપક અઝીમ પ્રેમજીને પાછળ છોડી દીધા છે. અત્યાર સુધી અઝીમ પ્રેમજીને સૌથી મોટા દાતા માનવામાં આવતા હતા. જો કે, આ વર્ષે અઝીમ પ્રેમજીએ 484 કરોડ રૂપિયાનું વાર્ષિક દાન આપ્યું છે અને તે યાદીમાં બીજા સ્થાને છે.

રિપોર્ટ અનુસાર રિલાયન્સ ઈન્ડસ્ટ્રીઝના ચેરમેન મુકેશ અંબાણી અને આદિત્ય બિરલા ગ્રુપના ચેરમેન કુમાર મંગલમ બિરલા અનુક્રમે ત્રીજા અને ચોથા સ્થાને છે. અંબાણીએ એક વર્ષમાં 411 કરોડ રૂપિયા અને બિરલાએ આ જ સમયગાળામાં 242 કરોડ રૂપિયાનું દાન કર્યું હતું.

અદાણીનું રેન્કિંગ

આઈટી જાયન્ટ માઇન્ડટ્રી સાથે સંકળાયેલ સુષ્મિતા અને સુબ્રતો બાગચી, રાધા અને એનએસ પાર્થસારથી વાર્ષિક 213 કરોડ રૂપિયાના દાન સાથે પાંચમા સ્થાને છે. એ જ રીતે ગૌતમ અદાણી આ વર્ષે 190 કરોડ રૂપિયાના દાન સાથે યાદીમાં સાતમા સ્થાને છે. તમને જણાવી દઈએ કે ગૌતમ અદાણી દેશના સૌથી અમીર અબજોપતિ છે.

ઈન્ફોસીસ સાથે સંકળાયેલા દાતાઓઃ આઈટી કંપની ઈન્ફોસીસ સાથે સંકળાયેલા નંદન નીલેકણી, ક્રિસ ગોપાલક્રિષ્નન અને એસડી શિબુલાલે ચેરિટી માટે અનુક્રમે રૂ. 159 કરોડ, રૂ. 90 કરોડ અને રૂ. 35 કરોડ ખર્ચ્યા છે. તેમનું રેન્કિંગ અનુક્રમે 9મું, 16મું અને 28મું છે.

અહેવાલ જણાવે છે કે ઝેરોધાના 36 વર્ષીય નિખિલ કામથ એડલગિવ હુરુન ફિલાન્થ્રોપી લિસ્ટ 2022માં સૌથી યુવા દાનવીર છે. તેમણે અને તેમના ભાઈ નીતિન કામથે આ વર્ષે તેમનું દાન 300 ટકા વધારીને 100 કરોડ રૂપિયા કર્યું છે.

 67 ,  1 

રસપ્રદ

રાજકારણ

વ્યાપાર

Gujarat Vandan © 2021, All Rights Reserved