November 30, 2022
November 30, 2022

યુવાનોએ સવાલો પૂછતા પબુભા માણેક થયા લાલઘુમ, મામલો ઉગ્ર બન્યો

પ્રચાર દરમિયાન પબુભા માણેકને કડવો અનુભવ થયો

ગુજરાત વિધાનસભાની ચૂંટણીને આંગળીના વેઢે ગણી શકાય એટલા જ દિવસો બાકી રહ્યા છે. ગુજરાતમાં 1 અને 5 ડિસેમ્બરે મતદાન થવાનું છે. તેને ધ્યાનમાં રાખીને તમામ રાજકીય પક્ષો તનતોડ મહેનત કરી રહ્યા છે. ચૂંટણી પ્રચારમાં નીકળેલા ઉમેદવારોને કડવા અનુભવો થઈ રહ્યાં છે. કોઈક જગ્યા લોકો પાંચ વર્ષનો હિસાબ માંગી રહ્યા છે તો કોઈક જગ્યાએ વાયદા યાદ કરાવી રહ્યાં છે.

કોંગ્રેસના ઉમેદવાર ગેનીબેન ઠાકોર, રાપરના કોંગ્રેસના વર્તમાન ધારાસભ્ય સંતોકબેન અરેઠીયા બાદ હવે દ્વારકાના ભાજપના ઉમેદવાર પબુભા માણેકને કડવો અનુભવ થયો છે. દ્વારકાના ગોકલપર ગામે સભામાં પબુભા માણેકને ધારદાર સવાલો પૂછ્યા હતા.

ગોકલપર ગામે યુવાનોએ વિકાસ અને રોજગારી મામલે સવાલો પૂછતા મામલો ઉગ્ર બન્યો હતો. સ્થાનિક યુવાનોએ કંપનીઓમાં રોજગારી મુદ્દે સવાલો કરતા પબુભા માણેક ગુસ્સે થયા હતા. તેમણે માઈક હાથમાં લઈને યુવકોને ખખડાવ્યા હતા. તેમણે યુવકોને શાંતિથી વાતચીત કરવા જણાવ્યું હતું. આ સમગ્ર ઘટનાનો વીડિયો સોશિયલ મીડિયામાં વાયરલ થયો છે.

 62 ,  1 

રસપ્રદ

રાજકારણ

વ્યાપાર

Gujarat Vandan © 2021, All Rights Reserved