ટૂર્નામેન્ટમાં ઓસ્ટ્રેલિયાની આ સતત પાંચમી જીત છે
મહિલા વર્લ્ડ કપ 2022 ની પ્રથમ સેમિફાઇનલ ટીમ મળી ગઈ છે. ઓસ્ટ્રેલિયાએ ભારત ને હરાવીને સેમિફાઇનલની ટિકિટ મેળવી લીધી છે. સૌથી મોટા ટાર્ગેટનો પીછો કરતા ઓસ્ટ્રેલિયા એ સેમિફાઇનલની ટિકિટ મેળવી લીધી છે. ઓસ્ટ્રેલિયાએ ભારત સામે 278 રનના ટાર્ગેટનો પીછો કર્યો હતો, જે મહિલા વર્લ્ડ કપના ઈતિહાસમાં સૌથી મોટો ચેઝ છે. ટૂર્નામેન્ટમાં ઓસ્ટ્રેલિયાની આ સતત પાંચમી જીત છે. મતલબ કે તેણે અત્યાર સુધી રમાયેલી તેની તમામ 5 મેચ જીતી લીધી છે. આ સાથે જ ભારતની 5 મેચમાં આ ત્રીજી હાર છે.
ભારતે ઓસ્ટ્રેલિયા સામે તેનો બીજો સર્વોચ્ચ સ્કોર બનાવ્યો હતો. પ્રથમ બેટિંગ કરતા તેણે 50 ઓવરમાં 7 વિકેટે 277 રન બનાવ્યા હતા. પરંતુ ઓસ્ટ્રેલિયન મહિલાઓએ માત્ર 4 વિકેટ ગુમાવીને તે હાંસલ કરી લીધું અને 6 વિકેટે સૌથી મોટા રન ચેઝની સ્ક્રિપ્ટ લખી.
2 શતકીય ભાગીદારીએ મેચને સરળ બનાવી દીધી હતી
278 રનના રેકોર્ડ લક્ષ્યાંકનો પીછો કરતા ઓસ્ટ્રેલિયાની ઓપનિંગ જોડીએ પોતાની ટીમને સદી ફટકારી હતી. હેન્સ અને હીલી વચ્ચે 121 રનની ભાગીદારી થઈ હતી. આ પછી કેપ્ટન મેગ લેનિંગ અને એલિસ પેરી વચ્ચે 103 રનની ભાગીદારી થઈ હતી. આ બે ભાગીદારી ટીમને ખૂબ નજીક લાવી હતી.
જો કે, આ પછી વરસાદના કારણે મેચમાં થોડી ખલેલ પડી હતી, કારણ કે વેગ ભારત તરફ વળતો જોવા મળ્યો હતો. પૂજા વસ્ત્રાકરે એલિસા પેરીને આઉટ કરીને ભારતને ત્રીજી સફળતા અપાવી હતી. આ વિકેટ બાદ મેચ થોડી રોમાંચક બની પરંતુ ભારત પોતાની હાર ટાળી શક્યું નહીં.
64 , 1
