October 6, 2022
October 6, 2022

ભાજપ સૌથી માલામાલ પાર્ટી.. 4,847 હજાર કરોડની છે સંપત્તિ..

જાણો, કોંગ્રેસ સહિત અન્ય પાર્ટીઓની શું છે સ્થિતિ?

એસોસિયેશન ઓફ ડેમોક્રેટિક રિફોર્મ્સ (ADR) 2019-20માં રાષ્ટ્રીય તેમજ ક્ષેત્રીય પક્ષોની સપંતિના વિશ્લેષણના આધારે એક રિપોર્ટ તૈયાર કર્યો છે. એડીઆરે પોતાના રિપોર્ટમાં જાણકારી આપતાં કહ્યું છે કે ભાજપે નાણાકીય વર્ષ 2019-20માં 4,847.78 કરોડ રૂપિયાની સંપત્તિ જાહેર કરી છે. આ તમામ રાજનૈતિક પક્ષોમાં સૌથી વધારે છે. ભાજપ બાદ બીજો નંબર માયાવતીની પાર્ટી બસપાનો આવે છે. બસપાએ 698.33 કરોડ રૂપિયા જ્યારે કોંગ્રેસે 588.16 કરોડ રૂપિયાની સંપત્તિની જાહેરાત કરી છે.

એડીઆરના રિપોર્ટ અનુસાર નાણાકીય વર્ષ દરમિયાન સાત રાષ્ટ્રીય અને 44 ક્ષેત્રીય પક્ષો તરફથી જાહેર થયેલ કુલ સંપત્તિ ક્રમશઃ 6,988.57 કરોડ રૂપિયા અને 2,129.38 કરોડ રૂપિયા હતી. આ ઉપરાંત રિપોર્ટમાં કહેવામાં આવ્યું છે કે સાત રાષ્ટ્રીય પક્ષોમાં સૌથી વધારે સંપત્તિ ભાજપ ( 4847.78 કરોડ રૂપિયા અથવા 69.37 ટકા), બીએસપી (698.33 કરોડ રૂપિયા અથવા 9.99 ટકા) અને કોંગ્રેસ (588.16 કરોડ અથવા 8.42 ટકા) જાહેર કરવામાં આવી હતી.

એડીઆરના જણાવ્યા અનુસાર 44 ક્ષેત્રીય પાર્ટીઓમાંથી ટોપ 10 પાર્ટીઓની સંપત્તિ 2028.715 કરોડ રૂપિયા અથવા એ તમામ દ્વારા જાહેર થયેલ કુલ સંપત્તિના 95.27 ટકા હતી. નાણાકીય વર્ષ 2019-20માં સ્થાનિક પાર્ટીઓમાં સમાજવાદી પાર્ટી દ્વારા સૌથી વધારે સંપત્તિ 563.47 કરોડ રૂપિયા (26.46 ટકા) જાહેર કરાઈ હતી, જે બાદ ટીઆરએસે 301.47 કરોડ રૂપિયા અને અન્નાદ્રમુકે 267.61 કરોડ રૂપિયાની સંપત્તિની જાહેરાત કરી હતી.
નાણાકીય વર્ષ 2019-20માં સ્થાનિક પાર્ટીઓ દ્વારા જાહેર કુલ સંપત્તિમાં એફડીઆરનો હિસ્સો સૌથી વધારે 1639.51 કરોડ રૂપિયા (76.99 ટકા) હતો.

નાણાકીય વર્ષ માટે એફડીઆર શ્રેણી હેઠળ ભાજપ અને બસપાએ ક્રમશઃ 3253.00 કરોડ રૂપિયા અને 618.86 કરોડ રૂપિયાની જાહેરાત કરી હતી, જે તમામ રાષ્ટ્રીય પાર્ટીઓમાં પહેલા અને બીજા સ્થાન પર રહી છે, જ્યારે કોંગ્રેસે 240.90 કરકોડ રૂપિયાની જાહેરાત આ શ્રેણીમાં કરી હતી. સ્થાનિક પાર્ટીઓમાં સપા (434.219 કરોડ રૂપિયા), ટીઆરએસ (256.01 કરોડ રૂપિયા), અન્નાદ્રમુક (246.90 કરોડ રૂપિયા), દ્રમુક (162.425 કરોડ રૂપિયા), શિવસેના (148.46 કરોડ રૂપિયા), બીજેડી (118.425 કરોડ રૂપિયા) સંપત્તિની જાહેરાત કરી હતી.

 68 ,  1 

Gujarat Vandan © 2021, All Rights Reserved