ગુજરાત વંદન

RBIનું તમામ બેંકોને ફરમાન, લોન લેનારાને સંપૂર્ણ માહિતી ફરજિયાત અપાશે ..

16 Apr, 2024

લોનધારકો હવે બની શકશે ચુઝી , એટલે કઈ બેન્ક પાસેથી લોન લેવી તે માટે તેમની પાસે વિકલ્પો હાજર રહેશે . લોન લેતી વખતે લોન પ્રક્રિયા દરમિયાન થતો કુલ ખર્ચ તેમજ લોન પર વસૂલવામાં આવતા વ્યાજદરનો વાર્ષિક ખર્ચ સહિત તમામ વિગતો જાણી શકશે. જેથી તેઓ લોનની સ્માર્ટ પસંદગી કરી શકશે. આરબીઆઈએ તમામ બેન્કો અને ફાઈનાન્સ કંપનીઓને 1 ઓક્ટોબરથી ફરિજ્યાતપણે લોન પ્રક્રિયાના ભાગરૂપે વસૂલવામાં આવતી તમામ ફી અને ધિરાણનો વાર્ષિક ખર્ચ સહિત તમામ મહત્વની વિગતો દર્શાવતું સ્ટેટમેન્ટ રજૂ કરવા નિર્દેશ કર્યો છે.

જેમાં રિકવરી એજન્ટ પર પોલિસી, ફરિયાદ માટે સંપર્કની વિગતો, લોન અન્યને વેચવાની સંભાવના સહિતની વિગતો પણ આ સ્ટેટમેન્ટમાં દર્શાવવાની રહેશે. રેગ્યુલેટેડ સંસ્થાઓએ ઉપરોક્ત દિશાનિર્દેશોને વહેલામાં વહેલી તકે અમલમાં મૂકવા માટે જરૂરી સિસ્ટમો અને પ્રક્રિયાઓ સ્થાપિત કરવા કહ્યું છે. 1 ઓક્ટોબર બાદ રિટેલ, એમએસએમઈ ટર્મ લોન સહિત તમામ નવી લોન માટે ગ્રાહકોને ઉપરોક્ત માર્ગદર્શિકા અનુસાર માહિતી આપવાની રહેશે.

આરબીઆઈએ જણાવ્યું હતું કે આ ફેરફારોથી ગ્રાહકો જ્યારે લોન લે છે ત્યારે સુનિશ્ચિત કરશે કે તેઓ શું મેળવી રહ્યાં છે અને તેની પાછળ કેટલો ખર્ચ ભોગવો પડશે. આરબીઆઈ દ્વારા પ્રથમ વખત વાર્ષિક ધોરણે લોનનો વ્યાજદર જારી કરતો વાર્ષિક ધિરાણ ખર્ચ રજૂ કરવામાં આવ્યો છે. જેમાં લોનધારકોના ધિરાણ પર વર્ષ દરમિયાન કેટલો વ્યાજદર અને અન્ય ચાર્જ લાગૂ થશે, તેની વિગતો આપવાની રહેશે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0