મેગી મેગી મેગી .. બે મિનિટમાં તૈયાર થતી મેગીએ કરી કમાલ !!! માત્ર રૂ.16ની મેગીએ કંપનીને કરાવી એક-બે કરોડ નહીં આટલા હજાર કરોડની કમાણી, આંકડો વાંચશો તો ચોક્કસ નવાઈ પામશો...
- 19 Jun, 2024
ભારતમાં ઈન્સ્ટન્ટ નૂડલ્સ મેગી ખાવાના શોખીન લોકોની કોઈ કમી નથી, પછી તે બાળકો હોય, વૃદ્ધ હોય કે યુવાનો, ગામ હોય કે શહેર હોય કે પહાડી વિસ્તારો, 2 મિનિટમાં તૈયાર થઈ જતી આ વાનગી દરેક જગ્યાએ સહેલાઈથી અને તે પણ નજીવી કિમતે મળી જાય છે. મેગી પ્રત્યે ભારતીયોની આ દિવાનગી વેચાણના આંકડાઓમાં પણ જોવા મળે છે અને તેનું ઉત્પાદન કરતી કંપની નેસ્લેની મેગી માટે ભારત વિશ્વનું સૌથી મોટું બજાર બની ગયું છે.
એટલું જ નહીં, કંપનીએ ભારતમાં 2 મિનિટ નૂડલ્સના વેચાણથી જંગી કમાણી કરી છે. મેગીના દિવાના ભારતીયો તેને બનાવનારી કંપનીએ 15 મહિનામાં ₹24000 કરોડની કમાણી કરી. મેગીના વેચાણમાં નંબર-1, ચોકલેટમાં બીજો મોટો ખેલાડી, નેસ્લે ઇન્ડિયાએ તેનો વાર્ષિક અહેવાલ જાહેર કર્યો અને માહિતી શેર કરી કે ભારત કંપનીના ઇન્સ્ટન્ટ નૂડલ્સ અને સૂપ બ્રાન્ડ મેગી માટે વૈશ્વિક સ્તરે સૌથી મોટા બજાર તરીકે ઉભરી આવ્યું છે.
કંપનીની ચોકલેટ બ્રાન્ડ કિટકેટ માટે આ વિશ્વનું બીજું સૌથી મોટું બજાર બની ગયું છે. નાણાકીય વર્ષ 2023-24 માટે કંપનીના વાર્ષિક અહેવાલમાં કહેવામાં આવ્યું છે કે નવા ઈનોવેશન્સ અને મોટા ડિસ્ટ્રિબ્યુશન નેટવર્ક સાથે બિઝનેસને આગળ વધારવામાં મદદ મળી છે.ગયા વર્ષે મેગીના 6 બિલિયન સર્વિંગનું વેચાણ થયું હતું . એક અહેવાલ મુજબ સ્વિસ મલ્ટીનેશનલ કંપની નેસ્લેના ઈન્ડિયા યુનિટે ઉત્તમ વેચાણ નોંધાવ્યું છે.
એવું કહેવામાં આવ્યું હતું કે ઇન્સ્ટન્ટ નૂડલ્સ અને ખાવા માટે તૈયાર વાનગીઓ માટે જાણીતી કંપનીએ ગયા નાણાકીય વર્ષ 2023-24માં એકલા ભારતમાં જ મેગીની 6 બિલિયનથી વધુ સર્વિંગ્સ વેચી છે, જે અન્ય કોઈપણ મેગીના વેચાણ કરતાં વધુ છે. કંપનીએ આ સમયગાળા દરમિયાન કિટકેટ ચોકલેટની 4.2 બિલિયન પેકેટ વેચી છે અને આ બ્રાન્ડના વેચાણમાં કંપની માટે બીજું સૌથી મોટું બજાર બની ગયું છે.
પાછલા વર્ષોમાં પ્રતિબંધનો સામનો કર્યો, છત્તા હવે અનેક ગણી કમાણી કરી. નોંધનીય છે કે મેગી ભારતમાં તેના સંભવિત સ્વાસ્થ્ય જોખમોને લઈને સમય સમય પર ચર્ચાનો વિષય બની છે. તેને 2015માં પણ પાંચ મહિનાના પ્રતિબંધનો સામનો કરવો પડ્યો હતો. જો કે, ભારતમાં તેના સ્વાદના ચાહકોની કોઈ કમી નથી. કંપનીના ઉત્પાદનોના વેચાણમાં મજબૂત વધારાને કારણે, નેસ્લે ઇન્ડિયાએ 31 માર્ચ, 2024 સુધીના છેલ્લા 15 મહિનામાં રૂ. 24,275.5 કરોડનું વેચાણ નોંધાવ્યું છે.
શેરોએ 5 વર્ષમાં તેમના નાણાં બમણા કર્યાએક તરફ નેસ્લેની પ્રોડક્ટ્સ મેગી અને કિટકેટનો ક્રેઝ વધ્યો છે તો જબરદસ્ત વેચાણના આંકડાની અસર પણ કંપનીના શેર પર જોવા મળી રહી છે. નેસ્લે શેરમાં રોકાણ કરનારા રોકાણકારોની રકમ પાંચ વર્ષમાં બમણી થઈ ગઈ છે. આ સમયગાળા દરમિયાન, કંપનીના શેરે રોકાણકારોને 119.81 ટકા વળતર આપ્યું છે.