મોદી સરકારના ત્રીજા કાર્યકાળનું પ્રથમ બજેટ: દેશના આમ આદમીને બજેટ પાસેથી ઘણી અપેક્ષા, ભારતને વિકસિત રાષ્ટ્ર બનાવવાનો રોડ મેપ રજૂ કરાશે
![top-news](https://gujaratvandan.com/public/uploads/images/newsimages/GujaratVandan23072024_053124_compressed_image (50).webp)
- 23 Jul, 2024
મોદી સરકારના ત્રીજા કાર્યકાળનું પ્રથમ બજેટ રજૂ થઈ રહ્યું છે. નાણાં મંત્રી નિર્મલા સીતારમણ આ બજેટ રજૂ કરી રહ્યાં છે. બજેટને લઈને પહેલેથી જ તમામ ક્યાસ લગાવવામાં આવી રહ્યાં હતા. આમ આદમીને આ બજેટ પાસેથી ઘણી અપેક્ષા છે.
આ બજેટ 2047 સુધી ભારતને વિકસિત રાષ્ટ્ર બનાવવાનો રોડ મેપ આપશે. જે ભારતને પાંચ ટ્રિલિયન ડોલરની અર્થવ્યવસ્થા બનાવવાનો નકશો પણ તૈયાર કરશે. આજનું બજેટ વિકસિત ભવિષ્યનો પાયો નાંખનારું હોઈ શકે છે. તેનો સંકેત ગઈકાલે રાષ્ટ્રપતિ અભિભાષણમાંથી મળ્યો હતો. રાષ્ટ્રપતિએ તેમના ભાષણમાં કહ્યું હતું કે બજેટ સરકારની ભવિષ્યની નીતિઓ અને ભવિષ્યના વિઝનનો પ્રભાવી દસ્તાવેજ હશે.
આજે દેશનું સામાન્ય બજેટ આવવાનું છે. નાણાં મંત્રી નિર્મલા સીતારમણ તેમના કાર્યકાળનું આ સતત સતમું બજેટ રજૂ કરશે. આજે બધાની નજર નાણાં મંત્રી દ્વારા કરવામાં આવનારી વિવિધ જાહેરાતો પર છે. શેરબજારમાં પણ બજેટની જાહેરાતોની અસર જોવા મળી રહી છે. આજે શેરબજારની શરૂઆત ગ્રીન ઝોનમાં થઈ અને સરકારી કંપનીઓના શેર શાનદાર તેજી સાથે ભાગતા જોવા મળી રહ્યાં છે. જોકે વધુ સમય સુધી આ તેજી ટકી શકી નહોતી. સવારે 9.45 વાગ્યે સેન્સેક્સ લગભગ 50 અંક ઘટ્યો હતો. બીજી તરફ નિફ્ટી પણ રેડ ઝોનમાં કારોબાર કરી રહ્યો છે.
નાણા મંત્રી નિર્મલા સીતારમણ પોતાની સાથે રેડ ટેબલેટ લઈને રાષ્ટ્રપતિ ભવન પહોંચી ગયા છે. તેમની સાથે નાણાં રાજ્ય મંત્રી પંકજ ચૌધરી પણ છે. ઉલ્લેખનીય છે કે આજે નાણા મંત્રી ટેબલેટથી સંસદમાં મોદી સરકાર 3.0નું પેપરલેસ બજેટ રજૂ કરશે.