ભાડજ સર્કલ પાસે પોલીસ ગઈ હતી દારૂ પકડવા : દરોડો પાડવા ગયેલી પોલીસને બુટલેગરની સાથે આઇપીએલનો સટ્ટો અને વિદેશી દારૂનો જથ્થો મળી આવ્યો
![top-news](https://gujaratvandan.com/public/uploads/images/newsimages/GujaratVandan13052024_062114_PPVpg6TPHwhJ5tjipK8IM4zUUw4xydv4Ga5hxkFW.webp)
- 13 May, 2024
આધુનિક ટેકનોલોજીના યુગમાં ફાસ્ટ અપડેટ થવાની સાથે વસ્તુ ઝડપી બનીને તૈયાર થઈ જાય છે. એવીજ રીતે ઝડપી પૈસા કમાઈને વહેલા માલદાર બનવાની ઘેલછા આજની યુવા પેઢીને ગેરમાર્ગે દોરી જતી હોય છે,એવા કેટલાય બનાવો રોજ બરોજ સામે આવતા હોય છે. તાજેતરમાં જ બનાવ બન્યો જેમાં શહેરના ભાડજ સર્કલ પાસે આવેલા વિવાન્તા હાઇટ્સમાંથી પોલીસને દારૂનો જથ્થો મળી આવ્યો હતો.
સૂત્રો દ્વારા પોલીસને બાતમી મળતા તેમણે વિવાન્તા હાઇટ્સમાં દરોડા પાડયો હતો. જેમાં પોલીસને પાંચ બોટલો વિદેશી દારૂ મળવાની સાથે તપાસ કરતા આઇપીએલ પર સટ્ટો રમાડતો વ્યક્તિ પણ મળી આવ્યો હતો.પીસીબીના સ્ટાફને બાતમી મળી હતી કે ભાડજ સર્કલ પાસે આવેલા વિવાન્તા હાઇટ્સમાં ૧૦૨ નંબરની શોપમાં દારૂનો જથ્થો સંગ્રહ કરવામાં આવ્યો છે. જેના આધારે તપાસ કરતા પાંચ બોટલ દારૂ મળી આવ્યો હતો.
જે અંગે જીગર પટેલ (રહે. સીપી નગર, ઘાટલોડિયા)ની પુછપરછ કરતા તે દારૂનો જથ્થો છારાનગરમાંથી લાવ્યો હોવાનું જાણવા મળ્યું હતુ. જીગરની સાથે પોલીસને કામેશ દરજી (રહે. પંચવટી એપાર્ટમેન્ટ,નારણપુરા) નામનો યુવક હાજર હતો. શંકાને આધારે તેનો મોબાઇલ ફોન તપાસતા તે આઇપીએલ પર સટ્ટો રમાડતો હોવાનું જાણવા મળ્યું હતું. જેમાં તે ગ્રાહકોની યાદી સાથે સોદાના પાડતો હતો. સટ્ટા માટેનું આઇડી તેણે સોશિયલ મિડીયાથી સંપર્કમા આવેલા વ્યક્તિ પાસેથી ખરીદી કર્યું હોવાનું જાણવા મળ્યું હતું. આ અંગે સોલા પોલીસ મથકે ગુનો નોંધીને પોલીસે તપાસ શરૂ કરી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ