હોસ્પિટલમાં ટ્રીટમેન્ટ લેતા પહેલા ચેક કરજો: મલ્ટી સ્પેશિયાલિટી હોસ્પિટલ નીકળી બનાવટી, જાણો કઈ રીતે બહાર આવ્યું સમગ્ર કૌભાંડ
![top-news](https://gujaratvandan.com/public/uploads/images/newsimages/GujaratVandan11072024_060202_ananya-hospital-900x527.webp)
- 11 Jul, 2024
દેશમાં મોંધવારી એટલી હદે વધી છે કે લોકો પૈસા કમાવવા માટે ઓછી મહેનતે વધુ કામવવાની લાલચે નવા શોર્ટ કટ શોધી લેતા હોય છે. જેને પરિણામે રોજ કોઈને કોઈ કૌભાંડ સામે આવે છે. નકલી શાળા, નકલી કોલેજ ,નકલી કચેરીઓ અને તેમાં નકલી વહીવટદારોતો જોવા મળ્યા છે. પરંતુ હવે આ નકલી બજાર અટેલી હદે વધ્યું છે કે બજારમાં હવે નકલી ડૉક્ટરની સાથે તેમની નકલી હોસ્પિટલ પણ ઝડપાઇ છે.
તાજેતરમાં અમદાવાદના બાવળા તાલુકાના નળ સરોવર રોડ પર આવેલા કેરળ ગામમાં અનન્યા મલ્ટી સ્પેશિયાલિટી હોસ્પિટલના નામથી નકલી હોસ્પિટલ ખોલીને પ્રજાના આરોગ્ય સાથે ચેડાં કરતો ડૉક્ટર ઝડપાઇ ગયો છે. અમદાવાદના મુખ્ય જિલ્લા આરોગ્ય અધિકારી ડૉ. શૈલેષ પરમારના જણાવ્યા અનુસાર અનન્યા મલ્ટી સ્પેશિયાલિટી હોસ્પિટલમાં થયેલા મૃત્યુને પગલે ત્યાં દરોડો પાડવામાં આવતા ત્યાં પ્રેક્ટિસ કરતો ડૉક્ટર પણ નકલી હોવાનું જાણવા મળ્યું હતું . તરતજ તંત્ર દ્વારા ત્યાં સીલ લગાવીને ડોકટરની પૂછપરછ હાથ ધરવામાં આવી હતી.
વધુમાં અનન્યા હોસ્પિટલમાં બીજા અનેક વિભાગો જેવા કે સર્જરી, યુરોલોજી, ગાયનેકોલોજી, પેડિયાટ્રિક્સ, ઓર્થોપેડિક્સ, ઇએનટી, ત્વચા અને દાંતની સારવાર કરવા માટેના વિભાગો ચાલતા હોવાની જાણકારી પણ મળી છે જેની નોંધ લઇને કાર્યવાહી કરવામાં આવી હતી . આ બોગસ હોસ્પિટલ એક બિલ્ડિંગના ગ્રાઉન્ડ ફ્લોર પર બે દુકાનની કોમર્શિયલ બિલ્ડિંગમાં ભાડાની જગ્યાએથી ચલાવવામાં આવતી હતી.
કેરળ,એક નાનકડું ગામડું છે,પરંતુ એ ગુજરાત સરકારના સૂચિત ઔદ્યોગિક વિસ્તારોમાંનું એક, સમૃદ્ધ ઔદ્યોગિક કેન્દ્ર છે. જ્યાં મુખ્યત્વે મજૂર વર્ગ વધુ વસવાટ કરે છે.ત્યાં નજીકમાં સરકારી હોસ્પિટલ સિવાય અન્ય કોઈ હોસ્પિટલની સુવિધાન હોવાથી મજૂર વર્ગ આ અનન્યા હોસ્પિટલમાં જ સારવાર માટે આવતા હતા. નાની મોટી બીમારીમાં તો સાધારણ દવાઓથી કામ થઈ જતું હતું ,પણ આ હોસ્પિટલમાં સર્જરી પણ કરવામાં આવતી હતી. તે કેવી રીતે થતી તે અંગે હવે શંકા વ્યકત કરવામાં આવી રહી છે
આ હોસ્પિટલમાં જ્યારે એક સગીરનું મૃત્યુ થયું અને તેનો વિડીયો વાઇરલ થયો ત્યારબાદ તંત્ર જાગૃત બન્યું અને તપાસ કરતાં જાણવા મળ્યું કે ત્યાંના કહેવાતા ડોકટર મેહુલ ચાવડા પાસેની MBBS ડિગ્રી પણ નકલી છે. હોસ્પિટલમાં દાખલ સગીરાના સગાએ ડૉક્ટરને વારંવાર વિનંતી કરવા છતાં દર્દીને દાખલ કર્યા બાદ રિપોર્ટ આપ્યો ન હતો. વળી બનાવટી હોસ્પિટલે દર્દી પાસેથી 1.5 લાખ.રૂ. ખંખેરી લીધા બાદ તેને સરકારી હોસ્પિટલમાં ખસેડવાની પરિવારના સભ્યોને સલાહ પણ આપવામાં આવી હતી. ઘટનાને પગલે હોસ્પિટલના ડૉક્ટરની ત્યારબાદ ધરપકડ કરવામાં આવી અને વધુ તપાસ કરવામાં આવી રહી છે.