October 6, 2022
October 6, 2022

ભારતનાં રસ્તા પર દોડશે ઈ-રિક્ષા, વિશ્વનાં સૌથી ધનવાન વ્યકતિએ શેર કર્યો વીડિયો…

વિશ્વની સૌથી મોટી ઈ-કોમર્સ કંપની અમેજોન જલ્દી ભારતમાં પોતાની એક પ્રોડક્ટ લોન્ચ કરવા જઈ રહી છે. અમેજોન હવે ભારતીય ગ્રાહકો માટે ઈલેક્ટ્રિક ડિલિવરી રિક્ષા લઈને આવી રહી છે. આ વાતની જાણકારી અમેજોનના CEO જેબ બેજોસે સોમવારે ટ્વીટ કરી આપી હતી. બેજોસે પોતના ટ્વીટમાં કહ્યું હતું કે, તેઓ ભારતમાં ઝીરો કાર્બન ઉત્સર્જન કરનાર રિક્ષાને લોન્ચ કરવા જઈ રહ્યા છે. ઉલ્લેખનીય છે કે, અમેજોન કંપની 7 વર્ષ પહેલા ભારતમાં આવી હતી અને કંપનીએ 5 મિલિયન ડોલરથી પણ વધારે પૈસાનું રોકાણ ભારતમાં કર્યું હતું.

જેફ બેજોસે પોતાના ટ્વીટમાં કહ્યું હતું કે, ઈન્ડિયા અમે ઈલેક્ટ્રિક ડિલિવરી રિક્ષાના રૂપમાં એક નવું ઉત્પાદન લઈને આવી રહ્યા છીએ. આ રિક્ષા પૂર્ણ રીતે ઈલેક્ટ્રિક છે અને ઝીરો કાર્બન ઉત્પન્ન કરે છે. પોતના ટ્વીટમાં જેફ બેજોસે ‘Climate Change’હેશ ટેગ પણ લગાવ્યું છે. સાથે જ તેમણે એક વીડિયો શેર કર્યો છે, જેમાં બેજોસ પોતાના ઘણા સાથી મિત્રો સાથે ઈલેક્ટ્રિક ડિલિવરી રિક્ષા ચલાવતા નજર આવી રહ્યા છે.

બેજોસના ઈ-રિક્ષા ચલાવતા વીડિયોને અત્યાર સુધી લાખો લોકો શેર કરી ચુક્યા છે. ઉલ્લેખનીય છે કે, છેલ્લા અઠવાડીયે જેફ બેજોસભારતના પ્રવાસ પર હતા. જે દરમિયાન તેમણે આગામી પાંચ વર્ષમાં કરોડો રૂપીયાના રોકાણની જાહેરાત કરી હતી. સાથે જ તેમણે ભારતના કરીયાણા સ્ટોર્સના માલિકો સાથે પાર્ટનરશિપની પણ વાત કરી હતી.

બેજોસે ભારતીય ગ્રાહકોને એક ખુલ્લો પત્ર લખ્યો છે, જેમાં તેમણે લખ્યું છે કે, ભારતીય લોકોની અસીમ ઉર્જા અને ધૈર્ય તેમને પ્રેરણા આપે છે.

 91 ,  1 

Gujarat Vandan © 2021, All Rights Reserved