ગુજરાત વંદન

પહેલીવાર ઈસ્લામિક દેશ "મિસ યુનિવર્સ" સ્પર્ધામાં લેશે ભાગ: રુમી મોડલ ,મિસ અરબ વર્લ્ડ પીસ-મિસ વૂમનનો ખિતાબ જીતી ચૂકી છે

27 Mar, 2024

વિશ્વના ઇતિહાસમાં પહેલીવાર એવી ઘટના બનવા જઈ રહી છે કે જ્યારે કોઇ એક ઈસ્લામિક દેશ પોતાની મહિલા સ્પર્ધકને મિસ યુનિવર્સની સ્પર્ધામાં ભાગ લેવા માટે મજૂરી આપશે, . ખરેખર આ ખૂબજ પ્રેરણાદાયી વાત છે કે સાઉદી અરબે આ પહેલ કરી અને પહેલીવાર તેના દેશની મહિલા ઉમેદવારને મિસ યુનિવર્સની સ્પર્ધામાં ભાગ લેવા માટે મંચ પર મોકલશે.

આ મામલે માહિતી ખુદ રુમી અલકાહતાનીએ આપી છે જે મિસ યુનિવર્સ 2024ની સ્પર્ધામાં સાઉદી અરબનું પ્રતિનિધિત્વ કરશે. ઉલ્લેખનીય છે કે ઈતિહાસમાં આવું પહેલીવાર થશે જ્યારે મિસ યુનિવર્સના મંચ પર એક ઈસ્લામિક દેશ સાઉદી અરબનો ઝંડો જોવા મળશે. રુમી અલકાહતાની 27 વર્ષીય મોડલ છે જે સાઉદી અરબમાં રહી ચૂકી છે. આટલું જ નહીં મિસ અરબ વર્લ્ડ પીસ 2024 અને મિસ વૂમન પણ રુમી અલકાહાતાની જીતી ચૂકી છે.

આ મામલે સોશિયલ મીડિયા પર રુમી અલકાહતાનીએ કહ્યું કે મિસ યુનિવર્સ 2024માં ભાગ લેવાથી હું ખુદને સન્માનિત મહેસૂસ કરી રહી છું. આટલું જ નહીં પણ તેમણે પોતાના અનેક ફોટો ઈન્સ્ટાગ્રામ પર શેર કર્યા હતા જેમાં તે અતિ સુંદર લાગી રહી છે. ઉલ્લેખનીય છે કે આ વખતે મેક્સિકોમાં મિસ યુનિવર્સ 2024નું આયોજન થશે. હાલ નિકારાગુઆની શેન્નિસ પલાસિયોસ મિસ યુનિવર્સ છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎