ગુજરાત વંદન

રજનીકાંતની જેલર- ટૂનું ટાઈટલ " હૂકુમ" પહેલો ભાગ હિટ થતા નક્કી થયું સિક્વલ નિર્માણ

15 Apr, 2024

રજનીકાંતની 'જેલર' તમિલ ફિલ્મોના ઈતિહાસની સૌથી સફળ ફિલ્મોમાંની એક બની હતી. ત્યારથી જ આ ફિલ્મની સિકવલની અટકળો ચાલતી હતી. હવે એ નક્કી થયું છે કે ફિલ્મનો બીજો ભાગ ખરેખર બની રહ્યો છે અને તેના માટે 'હુકુમ' ટાઈટલ નક્કી કરવામાં આવ્યું છે. જેને નેલ્સન પ્રી-પ્રોડક્શન હેઠળ જૂન 2024થી કામ શરૂ કરવામાં આવશે.

'જેલર' ફિલ્મ બોક્સ ઓફિસ પર અભૂતપૂર્વ સફળતાને વરી તે પછી તેનો બીજો ભાગ તેના કરતાં પણ વધારે હાયર સ્કેલ પર બનાવવાનું નક્કી થયું હતું. જોકે, તે માટે અનુકૂળ સ્ક્રિપ્ટની શોધ ચાલતી હતી. ફિલ્મ સર્જક નેલ્સને આખરે ફિલ્મ માટે એક અનુંકૂળ સ્ક્રિપ્ટ તૈયાર કરાવી હતી અને હવે રજનીકાંતે આ સ્ક્રિપ્ટ માટે અનુમતિ પણ આપી દીધી છે.

તે સાથે જ ફિલ્મના શૂટિંગની તૈયારીઓ શરુ કરી દેવામાં આવી છે. ફિલ્મ સાથે સંકળાયેલાં સૂત્રોના જણાવ્યા અનુસાર મોટાભાગે આગામી જૂનથી ફિલ્મનું પ્રિ પ્રોડક્શન શરુ કરી દેવામાં આવશે. મેકર્સ આ વર્ષના અંત સુધીમાં ફિલ્મને ફ્લોર પર લઈ જવા માંગે છે. રજનીકાંત હાલ લોકેશ કનગરાજની ફિલ્મ 'થલાઈવર ૧૭૧'નાં શૂટિંગમાં વ્યસ્ત છે. તે પછી તે 'હૂકુમ'નું શૂટિંગ હાથ ધરે તેવી સંભાવના છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0