એકતા કપૂર બીજી વખત માતા બનશે...??? 48 વર્ષે સિંગલ , એક બાળકની માતા હવે સરોગસીથી ફરી માતા બનશે...!!!!
- 11 May, 2024
એક દાયકાના સુપ્રસિદ્ધ અભિનેતા જિતેન્દ્રની દીકરી અને હાલની ફેમસ ફિલ્મ પ્રોડ્યુસર એકતા કપૂર પોતાની પ્રોફેશનલ લાઈફને લઈને ઘણી ચર્ચામાં રહે છે. ફિલ્મો અને ટીવી શોમાં સફળતા મેળવ્યા બાદ તેણે હવે OTT પર પણ પોતાની હુન્નર દર્શાવવાનુ શરૂ કર્યું છે. જેમાં પણ તેને સફળતા સાંપડી છે. હાલમાં તેની ઘણી સફળ વેબ સિરીઝ આવી ચુકી છે. ત્યારબાદ એકતા કપૂરને લાઈમ લાઇટમાં રહેવાનું પસંદ ન હોવાથી તે તેના અંગત જીવનને લઈને વધુ ચર્ચામાં નથી રહેતી. પરંતુ ખાસ મિત્રો અને સંબંધીઓના પ્રસંગો માં જ તેને હાજરી જોવા મળતી હોય છે,
વધુમાં જણાવી દઈએ કે એકતા 48 વર્ષની ઉંમરે પણ સિંગલ હોવા છત્તા તે એક બાળકની માતા છે.પ્રાપ્ત માહિતી મુજબ હવે તે સરોગસી દ્વારા ફરીથી માતા બનવા જઈ રહી છે. ત્યારે વધુ એક નવું અપડેટ આ મામલે સામે આવી રહ્યું છે, જે મુજબ એકતાનો દીકરો રવિ હવે 5 વર્ષનો થઈ ગયો છે અને હવે તેને પણ એક સિબલિંગ જોઈએ છે. તેથી એકતા કપૂર પણ આ વાત પર ધ્યાન આપી રહી છે અને સરોગસી દ્વારા ફરીથી માતા બનવાનું વિચારી રહી છે.
પરંતુ હવે નવા અહેવાલમાં આ સમાચારને નકારી કાઢવામાં આવ્યા છે અને તેને માત્ર અફવા ગણાવવામાં આવી છે. નવા નિવેદનમાં કહેવામાં આવ્યું છે કે - ફક્ત એક્સક્લુઝિવ્સ અને લાઇક્સના બદલામાં ખોટી માહિતી શેર કરવી તે કોઈપણ સંજોગોમાં સ્વીકારવામાં આવશે નહીં. કોઈપણ સમાચારને પહેલા સંપૂર્ણ સન્માન આપવું જોઈએ અને પહેલા તેની તપાસ થવી જોઈએ. આવા સમાચાર પણ બહાર આવી જાય છે તે ખૂબ જ હાસ્યાસ્પદ છે.
એકતા કપૂર જ નહીં પરંતુ તેનો નાનો ભાઈ તુષાર કપૂર પણ પોતાની મોટી બહેનના પગલે ચાલીને સરોગસી દ્વારા પિતા બન્યો. તેના પુત્રનું નામ લક્ષ્ય છે. બંને ભાઈ-બહેન લાઈમલાઈટથી દૂર રહે છે. વર્ક ફ્રન્ટની વાત કરીએ તો તુષાર કપૂર હજુ પણ ફિલ્મોમાં એક્ટિવ છે પણ ભાગ્યે જ જોવા મળે છે. છેલ્લી વખત તે તેની બહેન એકતા કપૂરના પ્રોડક્શન હાઉસમાં બનેલી ફિલ્મ લવ સેક્સ ઔર ધોખા 2માં જોવા મળ્યો હતો. આ સિવાય તે ફરહાદ સામજીની ઓટીટી સિરીઝ પોપ કૌનમાં પણ જોવા મળ્યો હતો.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ