કેન્સરની સારવાર લેતી અભિનેત્રી કહે છે કે 'શો મસ્ટ ગો ઓન': પહેલા કીમો સેશન બાદ તરતજ કામ પર પરત ફરી અભિનેત્રી
.webp)
- 16 Jul, 2024
ટેલીવિઝન ઈન્ડસ્ટ્રીની જાણીતી અભિનેત્રી હિના ખાને હમણાં થોડા દિવસો અગાઉ સોશિયલ મીડિયા પ્લેટફોમ પરથી પોતાની તબિયત અંગે પ્રાથમિક જાણકારી આપી હતી. તેણે જણાવ્યું હતું કે હાલ તેને પોતાના શારીરિક સ્વાસ્થ્ય સામે જંગ લડી રહી છે,વધુમાં તેણે જણાવ્યું કે મારા પ્રત્યે પ્રેમ અને કાળજી રાખનારા તમામ લોકો સાથે કેટલાક મહત્વપૂર્ણ સમાચાર શેર કરવા માંગુ છું.
હું ત્રીજા તબક્કાનું સ્તન કેન્સરની સારવાર લઈ રહી છુ. છતાં, હું બધાને કહેવા માંગુ છું કે હું ઠીક છું. હું આ રોગને દૂર કરવા માટે મજબૂત, સંકલ્પબદ્ધ અને સંપૂર્ણ પ્રતિબદ્ધ છું. મારી સારવાર શરૂ થઈ ગઈ છે, અને હું આમાંથી વધુ મજબૂત બનવા માટે શક્ય તેટલું બધું કરવા તૈયાર છું.મને તમારા આશીર્વાદ અને શુભેચ્છાની જરૂર છે. હું જલ્દીથી તમારી સાથે અને પાસે આવીશ.
તાજેતરના આ દિવસોમાં પોતાના જીવનના સૌથી મુશ્કેલ તબક્કામાંથી તે પસાર થઈ રહી છે. પરંતુ તેના ચહેરાની ચમક પહેલા જેવી જ છે. તેની હિમત હજુ પહેલાંની જેમ કાયમ છે. બીમારીની જાણ થતાં જ તેણે તરત જ સારવાર શરૂ કરી દીધી હતી અને હાલમાં તેની કીમોથેરાપીનું પહેલું સેશન પણ પૂર્ણ થઈ ગયું છે તેથી તેની ફરીથી કામે લાગી ગઈ છે.
પોતાના શૂટિંગ માટે તૈયાર થઇ તી વેળાએ તેને એક વિડીયો શેર કર્યો હતો. જેમાં તેના શરીર પર કીમો સેશનના નિશાન પણ દેખાઇ રહયા છે. આ વીડિયોમાં હિના કહે છે, “પહેલા કેમો સેશન પછી આ મારું પહેલું શૂટ છે. હું શક્ય તેટલું ટાંકાનાં નિશાન છુપાવવાનો પ્રયાસ કરી રહી છું.” શૂટિંગ માટે તૈયાર થતી વેળાએ તેણે ટાંકા છુપાવવાનો પ્રયન્ત કર્યો અને તે સમયે તેને થોડો દુખાવો થતા તે થોડી ચિંતિત થઈ હતી.
પરંતુ ત્યારબાદ તે સામાન્ય થઈને કામે લાગીને પોતાના મેકઅપ આર્ટિસ્ટ સચિનને કહ્યું કે તેણી હાર માનશે નહીં ,કામ કરતી જ રહેશે કારણ કે સચિન હમેશા કહે છે કે અમે હાર માનીશું નહીં અને 'શો મસ્ટ ગો ઓન'. વધુમાં હિના ખાને કહ્યું હતું કે આ તો ફક્ત પહેલુંજ કીમોથેરાપીનું સેશન થયું છે બીજા હજી બાકી છે.
વાઇરલ વીડિયોમાં હિના કહે છે, “અમે લડીશું, શૂટિંગ ચાલુ રાખીશું, સખત મહેનત કરીશું. અને અમે ચોક્કસ જીતીશું.” શૂટિંગ બાદ હિના ખાન તેની માતા સાથે સમય વિતાવતી રહી છે. કારણ તેની માતાને તેના કેન્સરની જાણ થઈ ત્યારે તેની હાલત ખૂબ ખરાબ થઈ હતી.
.webp)
.webp)
.webp)
.webp)
