ગુજરાત વંદન

ઉરી: ધ સર્જીકલ સ્ટ્રાઇક બાદ આદિત્ય બનાવશે બીજી મોટી બ્લોક બુસ્ટર : મલ્ટી સ્ટારર આ મૂવીમાં રણવીરસિંહની સાથે જાણો બીજા કેટલા સ્ટાર જોવા મળશે

27 Jul, 2024

મીડિયામાં છેલ્લા કેટલાક દિવસોથી સમાચાર આવી રહયા છે કે અભિનેતા રણવીર સિંહ પોતાની કારકિર્દીની સૌથી મોટી ફિલ્મ કરવા જઈ રહયા છે અને તેઓ આ ફિલ્મ ઉરી:ધ સર્જીકલ સ્ટ્રાઇકના ડાયરેક્ટર આદિત્ય ધર સાથે કરી રહ્યા છે. આ ફિલ્મમાં તેમની સાથે સંજયદત્ત,આર. માધવન અક્ષય ખન્ના,અને અર્જુન રામપાલ મુખ્ય ભૂમિકામાં જોવા મળશે. ફિલ્મના નિર્માતાઓએ આ મૂવીની જાહેરાત સત્તાવાર રીતે કરી દીધી છે. જેને જિયો સ્ટુડિયાઓ અને બી-62 સ્ટુડિયો ભેગા મળીને બનાવી રહ્યા છે.

આ ફિલ્મ રાષ્ટ્રીય પુરસ્કાર વિજેતા આદિત્ય ધરના નિર્દેશનમાં રણવીર સિંહ તેમજ બીજા અનેક મોટા અભિનેતા કામ કરવા જઈ રહ્યા છે. તેથી આ ફિલ્મ ઉરી: ધ સર્જીકલ સ્ટ્રાઇક પછી બીજી સૌથી મોટી ફિલ્મ બનશે તેવી શક્યતાઓ જણાઈ રહી છે. આ મૂવીની વાર્તા અને આદિત્યની કામ કરવાની પદ્ધતિને કારણે જ આટલા મોટા દિગ્ગજ અભિનેતા એક સાથે આ ફિલ્મમાં જૉવા મળશે.

આદિત્ય ધરે પ્રથમ ડેબ્યૂ ફિલ્મ ઉરી:ધ સર્જીકલ સ્ટ્રાઇક દ્વારા 350 કરોડની જંગી કમાણી કરનાર ડાયરેક્ટર બનીને ઇતિહાસ રચ્યો હતો. જ્યારે રણવીર સિંહની "રોકી ઔર રાની કી પ્રેમ કહાની બાદ આ બીજી મોટી ફિલ્મ છે. એવામાં રણવીરસિહના ચાહકો તેમ ની પાસેથી આ ફિલ્મમાં પોતાનું સર્વશ્રેષ્ઠ પ્રદર્શન આપીને બોક્સ ઓફિસ પર ધમાલ મચાવશે એવી અપેક્ષા રાખી રહયા છે . મળતી માહિતી મુજબ આ ફિલ્મનું શૂટિંગ શરૂ થઈ ચૂક્યું છે.