Animalમાં રણબીર સાથે બોલ્ડ સીન આપનારી એક્ટ્રેસ કોણ છે? હવે બોલી- ‘મજા આવી’.
- 07 Dec, 2023
રણબીર કપૂર અને બોબો દેઓલની ફિલ્મ 'એનિમલ' હાલ બોક્સઓફિસ પર ધૂમ મચાવી રહી છે. સંદીપ રેડ્ડી વાંગની સૌથી ધમાકેદાર ઓપનિંગ કરનાર આ ફિલ્મે જે કમાલ બતાવી છે તેના કારણે બૉલીવુડના ઇતિહાસમાં આ ફિલ્મનું નામ લખાઈ ગયું છે. એક એવી ફિલ્મ જેને સેન્સર બોર્ડ તરફથી એડલ્ટ સર્ટિફિકેટ મળ્યું છે એમ છતાં આ ફિલ્મ દેશ અને દુનિયામાં બમ્પર કમાણી કરી રહી છે.
ફિલ્મમાં રણબીર કપૂરના લુક અને એક્ટિંગના જોરદાર વખાણ થઈ રહ્યા છે તો બીજી તરફ અભિનેત્રી તૃપ્તિ ડિમરી અને રણબીર કપૂરના ઇન્ટિમેન્ટ સીનની પણ ખૂબ ચર્ચા થઈ રહી છે. સાથે જ ઘણા લોકો એવાં પણ છે જે ફિલ્મમાં કિસ અને ઇન્ટિમેન્ટ સીન આપવા પર અભિનેત્રીને ટ્રોલ કરી રહ્યા છે. એવામાં હવે અભિનેત્રીએ ટ્રોલ કરનાર લોકોને જોરદાર જવાબ આપ્યો છે.
એક વાતચીત દરમિયાન તૃપ્તિ ડિમરી કહ્યું કે 'હું ખુશ છું કે લોકોએ મને આટલો પ્રેમ આપ્યો છે. 90 ટકા લોકોએ વખાણ કર્યા છે. 10 ટકા લોકો ટીકા કરી રહ્યા છે. હું મારી સ્વતંત્ર ઇચ્છાથી ફિલ્મ લાઇનમાં આવી છું મને કોઈએ દબાણ કર્યું નથી. હું એક અભિનેત્રી છું અને દરેક પ્રકારના રોલ કરવા માંગુ છું. મને આ પ્રકારના રોલ નિભાવવામાં કોઈ સમસ્યા નહતી અને મારી આસપાસના લોકોને પણ કોઈ પ્રોબ્લેમ નહતો. મેં કંઈ ખોટું કર્યું નથી અને ભવિષ્યમાં પણ આવી ભૂમિકાઓ કરતી રહીશ.'
મેકર્સે એ પણ સુનિશ્ચિત કર્યું કે સીન દરમિયાન ડિરેક્ટર, ડીઓપી અને એક્ટર્સ સહિત 5 થી વધુ લોકો ન હોય. સેટ પર બીજા કોઈને મંજૂરી આપવામાં આવી ન હતી, બધા મોનિટર બંધ હતા, અને તેઓ કહેતા હતા, ‘આ તે સીન છે જે આપણે કરી રહ્યા છીએ. જો કોઈપણ સમયે તને લાગે કે તમે અસહજતા અનુભવો છો, તો અમને જણાવો. અમે તમારી ઈચ્છા મુજબ શૂટ ચાલુ રાખીશું. દર પાંચ મિનિટે રણબીર મારા હાલચાલ પૂછતો કે ‘તુ ઠીક છે, તુ શું સહજ છે?’ મને લાગે છે કે આ વસ્તુઓ ખરેખર મહત્વની છે. લોકો આ બાબતો પ્રત્યે સંવેદનશીલ હોય છે.
2017માં કરી હતી કેરિયરની શરૂઆત
તૃપ્તિ ડિમરીએ 2017માં આવેલી ફિલ્મ ‘પોસ્ટર બોય્ઝ’થી પોતાના કરિયરની શરૂઆત કરી હતી. તેના ડેબ્યુ પછી, તે નેટફ્લિક્સ ફિલ્મો ‘કાલા’, ‘બુલબુલ’ અને ‘લૈલા મજનુ’ વગેરેમાં જોવા મળી હતી. કહેવાય છે કે એક સમય એવો હતો જ્યારે તૃપ્તિ અનુષ્કા શર્માના ભાઈ કર્ણેશ શર્માને ડેટ કરતી હતી. જો કે, તેમનો સંબંધ લાંબો સમય ટકી શક્યો નહીં અને વર્ષ 2023માં તેમનું બ્રેકઅપ થઈ ગયું.
લાખો લોકો કરવા લાગ્યા ફોલો
તૃપ્તિએ ઘણી ફિલ્મોમાં કામ કર્યું છે. પરંતુ, તેને ખરી પ્રસિદ્ધિ ‘એનિમલ’ પછી મળવા લાગી. ‘એનિમલ’માં તેના અને રણબીરના ઇન્ટીમેન્ટ સીન જોઈને લોકો પાગલ થઈ ગયા છે. આનો પુરાવો તૃપ્તિને ઈન્સ્ટાગ્રામ પર ફોલો કરનારા લોકોની સંખ્યા છે. વાસ્તવમાં, પિંકવિલાના રિપોર્ટ અનુસાર, ‘એનિમલ’ની રિલીઝ પહેલા તૃપ્તિના 6 લાખ ફોલોઅર્સ હતા. ‘એનિમલ’ એ હલચલ મચાવ્યા પછી, 2 મિલિયન લોકોએ તેને ઇન્સ્ટાગ્રામ પર ફોલો કરવાનું શરૂ કર્યું.
યુવાઓનો બની ગઈ ક્રશ
તૃપ્તિ ડિમરી ભલે ફિલ્મ એનિમલમાં સાઈડ રોલમાં હોય, પરંતુ તેની સ્ક્રીન પ્રેઝન્સે લોકોના દિલ જીતી લીધા છે.તૃપ્તિ સોશિયલ મીડિયામાં પણ ખુબ જ એક્ટિવ રહે છે અને તેની તસવીરો પણ શેર કરતી રહે છે, જેમાં તે વેસ્ટર્નથી લઈને ઇન્ડિયન આઉટફિટમાં પોતાનો ગજબનો લુક ફ્લોન્ટ કરતી હોય છે. એનિમલ ફિલ્મ બાદ તો યુવાનોમાં તૃપ્તિ ડીમરીને લઈને ગજબનો ક્રેઝ જોવા મળી રહ્યો છે અને ચાહકોએ તેને પોતાનો ક્રશ બનાવી લીધો છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
