October 1, 2022
October 1, 2022

પડતર માંગણીઓને પગલે AMCના કર્મચારીઓ આવતીકાલે કાળી પટ્ટી બાંધી વિરોધ કરશે

રાજ્યમાં વધુ એક આંદોલનના એંધાણ…

અમદાવાદ મ્યુનિસિપલ કોર્પોરેશનમાં વિવિધ વિભાગોમાં કામ કરતા કર્મચારીઓના પ્રશ્નોનું નિરાકરણ લાવવા અમદાવાદ મ્યુનિસિપલ નોકર મંડળ દ્વારા કમિશનરને આવેદનપત્ર આપવામાં આવ્યું હતું. જોકે 15 દિવસ બાદ પણ કમિશનર દ્વારા કોઈ પણ પ્રકારનો જવાબ નહીં આપવામાં આવતા મ્યુનિસિપલ નોકર મંડળ દ્વારા અચોક્ક્સ મુદતની હડતાલ અને ઉગ્ર આંદોલનની ચીમકી આપવામાં આવી છે. આજે મ્યુનિસિપલ નોકર મંડળના સભ્યોની બેઠક મળશે જેમાં કમિશનર દ્વારા જે રીતે પ્રશ્નોને લઈ ધ્યાન નથી આપવામાં આવ્યું તેના પર ચર્ચા કરશે. 23મીએ કાળી પટ્ટી બાંધી વિરોધ કરવામાં આવશે.

મ્યુનિસિપલ નોકર મંડળના જનરલ સેક્રેટરી કલ્પેશ મકવાણાએ જણાવ્યું કે, મ્યુનિસિપલ કોર્પોરેશનમાં ફરજ બજાવતા હજારો કર્મચારીઓના છેલ્લા 15 વર્ષથી ઘણા પ્રશ્નો છે. જેનો ઉકેલ વહીવટી તંત્ર દ્વારા લાવવામાં આવ્યો નથી. સાત સપ્ટેમ્બરના રોજ મ્યુનિસિપલ કમિશનરને આવેદનપત્ર આપવામાં આવ્યું હતું. પરંતુ તેઓ દ્વારા કોઈપણ પ્રકારનો જવાબ આપવામાં આવ્યો નથી. જેથી આજે અમદાવાદના પ્રતિનિધિઓની બેઠક મળશે અને તેમાં 23મી સપ્ટેમ્બરના રોજ કાળી પટ્ટી બાંધી અને વિરોધ કરવામાં આવશે અને જો અમારી માંગણીઓ નહીં સંતોષાય તો સફાઈ, ફાયરબ્રિગેડ, AMTS, ગટર, પાણી, રોડ, રેફયુઝ, વર્કશોપ વગેરે વિભાગના કર્મચારીઓ ચોક્કસ મુદતની હડતાલ પર ઉતરશે. આગામી દિવસોમાં હજારો કર્મચારીઓ મ્યુનિસિપલ કોર્પોરેશનનો ઘેરાવો કરે અને મસ્ટર સ્ટેશન પર પણ વિવિધ કાર્યક્રમોનું આયોજન કરવામાં આવશે.

 25 ,  1 

Gujarat Vandan © 2021, All Rights Reserved