તમિલનાડુમાં ફટાકડાની ફેક્ટરીમાં વિસ્ફોટ : 8થી વધુ ના મોત ગંભીર રીતે ઘાયલ છ લોકો સરકારી હોસ્પિટલમાં દાખલ
- 17 Feb, 2024
તમિલનાડુના વિરુધુનગર જિલ્લો ફટાકડા ઉત્પાદનનું હબ માનવામાં આવે છે. અહી કેટલીય કાયદેસર તેમજ ગેરકાયદેસર ફટકડાની ફેક્ટરીઓ હાલ અસ્તિત્વમાં છે. એવામાં આજે વેમ્બાકોટ્ટઈમાં ફટાકડાની ફેક્ટરીમાં વિસ્ફોટ થયો હતો. આ અકસ્માતમાં અહીં કામ કરતા 9 શ્રમિકોના મોત થયા હતા. જ્યારે 6 અન્ય કામદારો ગંભીર રીતે ઘાયલ થયા હતા.
આ ફટાકડાની ફેક્ટરી મુથુસમીપુરમમાં આવેલી હતી, જેના માલિકનું નામ વિજય હોવાનું કહેવાય છે. વિસ્ફોટ બાદ સાત લોકોના ઘટનાસ્થળે જ મોત નીપજ્યા હતા, જ્યારે બેનું હોસ્પિટલ લઈ જતા રસ્તામાં જ મોત થયું હતું. અકસ્માતની જાણ થતાં પોલીસ અને ફાયર બ્રિગેડની ટીમ ઘટનાસ્થળે પહોંચી હતી અને બચાવ કામગીરી શરૂ કરી હતી.
અકસ્માતની પ્રાથમિક તપાસમાં જાણવા મળ્યું છે કે વિસ્ફોટ ફેક્ટરીના કેમિકલ મિક્સિંગ રૂમમાં થયો હતો. આ વિસ્ફોટમાં ફેક્ટરીની નજીક આવેલી ચાર ઈમારતોને પણ નુકસાન થયું છે. વિસ્ફોટ એટલો જોરદાર હતો કે જે મકાનમાં ફટાકડાનું કારખાનું ચાલતું હતું તે ઘર જમીનદોસ્ત થઈ ગયું હતું. પોલીસે જણાવ્યું કે કાટમાળ નીચે દબાઈને વધુ કેટલાક લોકોના મોત થયા હોવાની શક્યતા નકારી શકાય તેમ નથી.
મળતી માહિતી મુજબ, અકસ્માતમાં માર્યા ગયેલા 9 લોકોમાં 5 મહિલાઓનો સમાવેશ થાય છે. ગંભીર રીતે ઘાયલ છ લોકોને શિવકાશીની સરકારી હોસ્પિટલમાં દાખલ કરવામાં આવ્યા છે. તમિલનાડુમાં ફટાકડાનો મોટો ઉદ્યોગ છે. ત્યાં ચાલતી ફટાકડાની કેટલીય ફેક્ટરીઓ પાસે સરકારી લાઇસન્સ નથી. આવી ફેક્ટરીઓમાં કોઈ સુરક્ષા વ્યવસ્થા નથી અને કામદારો દરેક ક્ષણે પોતાનો જીવ જોખમમાં મુકીને કામ કરે છે.એવાં માં દુર્ઘટના બને તો કઈ નવાઈ નહીં .
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ