ગુજરાત વંદન

ગુજરાત એટીએસની ટીમને મળી મોટી સફળતા: અમદાવાદ એરપોર્ટ પરથી ચાર ISISના આતંકીની ધરપકડ, પાકિસ્તાની બનાવટનાં હથિયાર જપ્ત કરવામાં આવ્યા

20 May, 2024

ગુજરાતના એન્ટી ટેરેરીસ્ટ સ્કોવોર્ડ(એટીએસ)ને સોમવારે મોટી સફળતા મળી છે. એટીએસની ટીમે અમદાવાદ એરપોર્ટ પરથી ચાર ISISના આંતકીઓની ધરપકડ કરી છે. અમદાવાદના એરપોર્ટ પરથી પકડાયેલા ચાર આતંકીઓ શ્રીલંકાના નાગરિક છે. આ ચારેય શ્રીલંકાથી ચેન્નાઈ આવ્યા હતા. પછથી ચેન્નઈથી અમદાવાદ એરપોર્ટ પર ઉતર્યા હતા. અહીં પહોંચતાની સાથે જ તેમને ગુજરાત એટીએસે પકડી લીધા હતા. તેમની પાસેથી પાકિસ્તાન મેડ હથિયાર પણ મળ્યા છે.

સૂત્રો પાસેથી મળેલી માહિતી અનુસાર ગુજરાત ડીજીપી પ્રેસ કોન્ફરન્સ કરીને આ અંગે વિગતે માહિતી આપશે. એમ કહેવાઈ રહ્યું છે કે ચેન્નાઈથી અમદાવાદ પહોંચ્યા પછીથી ચારેય આતંકી પાકિસ્તાની હેન્ડલરના મેસેજની રાહ જોઈ રહ્યાં હતા. અમદાવાદથી તેમને ટાર્ગેટ લોકેશન પર પહોંચવાનું હતું. તેમને અહીંથી હથિયાર મળવાના હતા. તે પહેલા જ એટીએસએ તેમની ધરપકડ કરી લીધી હતી.

ATSએ એનક્રિપ્ટેડ ચેટ્સ આ આતંકવાદીઓના ફોનથી મેળવી છે. ગુજરાતમાં ISISના ચાર આતંકવાદીની ધરપકડ એવા સમયે થઈ છે જ્યારે સુરત પોલીસ મૌલવી સોહેલ અબુબકર મામલે પહેલાથી જ તપાસમાં લાગેલી છે. જોકે અત્યારે કોઈ શંકાસ્પદ વસ્તુ તપાસમાં મળી આવી ન હતી પરંતુ આ આતંકવાદીઓના અમદાવાદ સુધી પહોંચ્યા બાદ ગુજરાત પોલીસ એલર્ટ મોડમાં આવી ગઈ છે.

બીજી તરફ અમદાવાદ એરપોર્ટ પર હાઇ એલર્ટ જેવી સ્થિતિ સર્જાઈ છે. હાલમાં ATSએ આતંકવાદીઓને અજાણ્યા સ્થળે લઈ જઈને સઘન પૂછપરછ હાથ ધરી છે. આતંકવાદીઓ સાથે જોડાયેલ તમામ કનેક્શન અંગે તપાસ કરાઈ રહી છે. આતંકવાદીઓ સ્લીપર સેલ છે કે નહીં તેની તપાસ શરૂ કરી દેવાઈ છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0