ગુજરાત વંદન

પુનાના પોર્શે કાર અકસ્માતમાં ચોંકાવનારો ખુલાસો: આરોપીના દાદાનું નીકળ્યું છોટા રાજન સાથે કનેક્શન, ભાઈ સાથેના વિવાદમાં લીધી હતી અંડરવર્લ્ડ ડોનની મદદ

22 May, 2024

મહારાષ્ટ્રના પુનામાં પોર્શ કાર એક્સિડન્ટ મામલામાં રિઅલ એસ્ટેટ કારોબારી અગ્રવાલ પરિવાર ચર્ચામાં છે. જોકે હવે આ કેસમાં ચોંકાવનારો ખુલાસો થયો છે. એવું જાણવા મળ્યું છે કે અગ્રવાલ પરિવાર માટે કાયદા સાથે છેડછાડ કરવી તે કોઈ નવી વાત નથી. આ સિવાય આ પરિવારનું અંડરવર્લ્ડ કનેક્શન પણ સામે આવ્યું છે. આરોપીના દાદા સુરેન્દ્ર કુમાર અગ્રવાલે પોતાના ભાઈ સાથેના સંપત્તિના વિવાદમાં અંડરવર્લ્ડ ડોન છોટા રાજનની મદદ લીધી હતી. રાજનના ગુંડાઓએ ગોળીબારી કર્યો હતો. આ મામલામાં હત્યાની કોશિશ કરવા અંગેની એફઆઈઆર નોંધાઈ હતી. પહેલા પોલીસે તપાસ કરી હતી. બાદમાં સીબીઆઈને મામલો સોંપવામાં આવ્યો હતો. આ કેસ હાલ કોર્ટમાં પેન્ડિંગ છે.

ઉલ્લેખનીય છે કે પુનામાં 17 વર્ષના છોકરાએ ત્રણ દિવસ પહેલા દારૂના નશામાં પોતાની પોર્શે કારથી બાઈક સવાર બે એન્જિનિયરને કચડી નાંખ્યા હતા. આ દુર્ઘટનામાં બંને છોકરાના મૃત્યુ થયા હતા. મરનારની ઓળખ અનીશ અવધિયા અને અશ્વિની કોષ્ટા તરીકે થઈ છે. બંને મધ્ય પ્રદેના શહેવાસી હતા અને પુનામાં કામ કરતા હતા. આ મામલામાં જુવેનાઈલ જસ્ટિસ બોર્ડે કેટલીક શરતોની સાથે સગીર આરોપીને મુક્ત કર્યો હતો. પછીથી પોલીસે આરોપીના પિતા વિશાલ અગ્રવાલની છત્રપતિ સંભાજીનગરથી ધરપકડ કરી છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0