ગુજરાત વંદન

Breaking News

આ દવાઓ મફત મળશે: ગુજરાતના તમામ આરોગ્ય કેન્દ્રો પર ફ્રીમાં મળશે જીવન જરૂરી મેડિસિન્સ, સરકારે યાદીમાં ઉમેરી નવી દવાઓ. ફ્રાન્સથી આવ્યા માઠા સમાચાર: ઓલિમ્પિકની શરૂઆત પહેલા ફ્રાન્સના રેલવે નેટવર્ક પર હુમલો થતા 8 લાખ લોકો અસરગ્રસ્ત, ટ્રેન નેટવર્કની ખામી શોધવાના પ્રયાસો ચાલું. ભારતીય શેરબજારોમાં મોટો ઉછાળો: સેન્સેક્સ 1292 અંક વધ્યો, નિફ્ટી 24834 પર બંધ; ભારતી એરટેલ, વિપ્રો, ટાટા સ્ટીલના શેર વધ્યા. ભષ્ટ્રાચારને નાથવા ગુજરાત સરકાર લાવશે કાયદો: વિધાનસભાના ચોમાસુ સત્રમાં વિધાયક આવે તેવી શક્યતા, ભષ્ટ્રાચાર કરનાર અધિકારીઓમાં ગભરાટ. કારગીલ વિજય દિવસની ઉજવણી: વડાપ્રધાન નરેન્દ્ર મોદીએ કારગિલ યુદ્ધના વીરોને આપી શ્રદ્ધાંજલિ, લદ્દાખમાં શિંકુન લા પ્રોજેક્ટની પણ કરી શરૂઆત. રાષ્ટ્રપતિ ભવનના હોલનું નામ બદલવાનો મામલો: કોંગ્રેસ મહાસચિવ પ્રિયંકા ગાંધીએ વડાપ્રધાન મોદી પર કર્યો શાબ્દિક હુમલો, કહ્યું- દરબારનો ખ્યાલ નથી પરંતુ 'શહેનશાહ'નો ખ્યાલ છે. સુપ્રીમ કોર્ટે કેન્દ્રને આપ્યો ઝાટકો: કોર્ટે કહ્યું- રાજ્યોને ખાણ અને ખનીજો ધરાવતી જમીનો પર ટેક્સ લગાવવાનો અધિકાર, ખનીજો પર ટેક્સ વસુલવાના મામલે મોટો ચુકાદો. શેરબજાર ખુલતાની સાથે જ તૂટ્યું: સેન્સેક્સ 600 અંક ઘટ્યો, નિફ્ટી 24300ની નીચે; ટાટા મોટર્સ, લાર્સન, કોટક મહિન્દ્રાના શેર વધ્યા. રેલવે મંત્રીએ આપ્યા સારા સમાચાર: મધ્યમ અને ઓછી આવક ધરાવનાર પરિવારોને થશે સીધો ફાયદો, જાણો અશ્વિની વૈષ્ણવે કરેલી જાહેરાત વિશે. કેન્દ્ર સરકારનો મોટો નિર્ણય: અગ્નિવીરોને BSF અને CISFમાં 10 ટકા અનામત મળશે, પ્રથમ બેચને ઉંમરમાં 5 વર્ષની છૂટછાટ અપાશે.

CM અરવિંદ કેજરીવાલની મુશ્કેલી વધી: કેજરીવાલે 2 જૂને સરન્ડર કરવું પડશે, કોર્ટની રજીસ્ટ્રીએ ન સ્વીકારી જામીન વધારવાની અરજી

29 May, 2024

દિલ્હીના મુખ્યમંત્રી અરવિંદ કેજરીવાલને સુપ્રીમ કોર્ટમાંથી રાહત મળતી દેખાઈ રહી નથી. હવે તેમણે 2 જૂનના રોજ કોર્ટની સામે સરન્ડર કરવું પડશે. ઉલ્લેખનીય છે કે સીએમ કેજરીવાલે પોતાના વચગાળાના જામીનને 7 દિવસ વધારવા માટે અપીલ કરી હતી. જોકે સુપ્રીમ કોર્ટની રજીસ્ટ્રીએ તેમની આ અરજીનો સ્વીકાર કર્યો નહોતો.

કારણ કે કેજરીવાલને નિયમિત જામીન માટે ટ્રાયલ કોર્ટમાં જવાની સ્વતંત્રતા આપવામાં આવી છે. આવી સ્થિતિમાં કેજરીવાલની અરજી સાંભળવા લાયક નથી. અહીં નોંધનિય છે કે, હવે સીએમ કેજરીવાલે 2 જૂને આત્મસમર્પણ કરવું પડશે. કેજરીવાલને 10 મેના રોજ જસ્ટિસ સંજીવ ખન્ના અને જસ્ટિસ દીપાંકર દત્તાએ વચગાળાના જામીન આપ્યા હતા અને 2 જૂને તિહાર જેલમાં આત્મસમર્પણ કરવાનું કહેવામાં આવ્યું હતું. 17 મેના રોજ પીએમએલએ કેસમાં તેની ધરપકડની કાયદેસરતાને પડકારતી બેન્ચે ED પર તેનો ચુકાદો અનામત રાખ્યો હતો. મંગળવારે સુપ્રીમ કોર્ટની અન્ય બેન્ચે પણ કેજરીવાલની અરજી પર સુનાવણી કરવાનો ઇનકાર કર્યો હતો અને તેમને CJI DY ચંદ્રચુડનો સંપર્ક કરવા કહ્યું હતું.

જસ્ટિસ જે કે મહેશ્વરી અને જસ્ટિસ કે વી વિશ્વનાથનની બેન્ચે કેજરીવાલ તરફથી હાજર રહેલા વરિષ્ઠ વકીલ અભિષેક મનુ સિંધવીની તાત્કાલિક સુનાવણીની અરજ પર વિચાર કરવાથી ઈન્કાર કર્યો હતો. મનુ સિંધવીએ કહ્યું હતું કે મુખ્યમંત્રીને કેટલાક મેડિકલ ટેસ્ટ કરાવવાના હોવાથી તેમના વચગાળાના જામીનમાં સાત દિવસનો સમય વધારવામાં આવે.

ખંડપીઠે કહ્યું હતું કે કેજરીવાલની ધરપકડને પડકારતા કેસની સુનાવણી પહેલાથી જ થઈ ચૂકી છે અને અલગ બેંચ દ્વારા આદેશો માટે પહેલાથી જ અનામત રાખવામાં આવી છે. તાજેતરમાં સુપ્રીમ કોર્ટે અરવિંદ કેજરીવાલને ચાલુ સામાન્ય ચૂંટણી માટે પ્રચાર કરવા માટે 21 દિવસના વચગાળાના જામીન આપ્યા હતા, જેની સમયમર્યાદા 1 જૂનના રોજ સમાપ્ત થઈ રહી છે, અને તેમને 2 જૂન સુધીમાં આત્મસમર્પણ કરવાનો નિર્દેશ આપવામાં આવ્યો હતો. જરૂરિયાતને ટાંકીને સિંઘવીએ બેન્ચને શરણાગતિનો સમય નજીક હોવાથી કેસની વહેલી તકે સુનાવણી કરવા વિનંતી કરી, પરંતુ બેન્ચે કહ્યું કે ચીફ જસ્ટિસ તેના પર નિર્ણય લેશે.

અરવિંદ કેજરીવાલે સુપ્રીમ કોર્ટને 6 થી 7 કિલો વજનમાં અચાનક ઘટાડો થવાને કારણે અનેક તબીબી પરીક્ષણો કરાવવા માટે વચગાળાના જામીનનો સમયગાળો સાત દિવસ વધારવાની વિનંતી કરી હતી. કેજરીવાલે 26 મેના રોજ દાખલ કરેલી તેમની અરજીમાં કહ્યું હતું કે તેઓ 2 જૂનના બદલે 9 જૂને આત્મસમર્પણ કરવા માગે છે, જે કોર્ટ દ્વારા જેલમાં પરત ફરવાની તારીખ નક્કી કરવામાં આવી છે.