સંસદમાં થયેલ હુમલા અંગે મોટી ખબર , સંસદ હુમલાના કાવતરામાં 6 લોકો સામેલ હતા 4ની ધરપકડ, 2 લોકો ફરાર
- 13 Dec, 2023
સંસદની અંદર અને બહાર સ્મોક એટેક કેસમાં મોટું અપડેટ સામે આવ્યું છે. સંસદમાં હુમલાનું કાવતરું રચવામાં કુલ 6 લોકો સામેલ હતા જેમાં સંસદની અંદર હુમલો કરનાર સાગર શર્મા, મનોરંજન અને સંસદ બહાર સ્મોક એટેક કરીને નારેબાજ કરનાર નીલમ અને અણમોલ ઝડપાઈ ગયાં છે જ્યારે બાકીના 2 આરોપીઓ ફરાર છે. 5 આરોપીઓ દિલ્હી બહારથી આવ્યાં હતા અને એક દિલ્હીનો હતો. આ 5 આરોપીઓ ગુરુગ્રામમાં લલિત ઝા નામના શખ્સના ઘેર રોકાયા હતા. અને પછી એટેક કરવા સંસદ તરફ આગળ વધ્યાં હતા.
તમામ આરોપીઓ સોશિયલ મીડિયા દ્વારા એકબીજાને મળ્યા હતા. આ પછી સમગ્ર ષડયંત્ર રચવામાં આવ્યું હતું. આ પછી નિર્ધારિત દિવસે બે લોકો સંસદમાં પ્રેક્ષક બનીને પ્રવેશ્યા હતા. તેમની યોજના એક પ્રતીકાત્મક વિરોધ હતો. પરંતુ સૌથી મોટો સવાલ સંસદની સુરક્ષા વ્યવસ્થાનો છે. આટલી કડક સુરક્ષા હોવા છતાં ચારેય આરોપીઓ પોતાના ઉદ્દેશ્યમાં સફળ થયા હતા.
આઇબીએ અગાઉ દિલ્હી પોલીસ અને ગુપ્તચર એજન્સીઓને ઇનપુટ આપ્યા હતા, જેથી આવી ઘટના બનતા અટકાવી શકાય. જેને જોતા સંસદ અને તેની આસપાસ સુરક્ષા પણ કડક કરી દેવામાં આવી હતી, પરંતુ બે લોકો સુરક્ષા વર્તુળ તોડીને સંસદમાં પ્રવેશ્યા હતા અને બે લોકો બહાર જ રહ્યા હતા. પ્રેક્ષક ગેલેરીમાં બેઠેલા બે યુવકો નીચે કૂદી પડ્યા. તેઓ એક બાંકડાથી બીજી બેંચ પર દોડવા લાગ્યા. આ દરમિયાન એક વ્યક્તિએ ગેસ કટર કાઢીને પીળો ધૂમાડનો છંટકાવ કર્યો હતો. આવી જ એક ઘટના સંસદની બહાર પણ બની હતી. સંસદમાં હાજર સાંસદોએ બંને યુવકોને પકડી લીધા હતા. તેમને જોરદાર માર માર્યા બાદ તેમણે સુરક્ષાકર્મીઓને સોંપી દીધા હતા. લોકસભા મુલતવી રાખવામાં આવી હતી.
સંસદમાં બપોરે 1 વાગ્યાની આસપાસ સાગર શર્મા અને મનોરંજન નામના બે યુવાનો વિઝિટર ગેલેરીમાંથી કૂદીને લોકસભામાં પડ્યાં હતા. આ બે યુવાનો જ્યારે અંદર પડ્યાં ત્યારે કાર્યવાહી ચાલુ. કૂદ્યા બાદ તરત સાગર અને મનોરંજને પગરખાંથી કલર સ્પ્રે કાઢીને છાંટ્યો હતો જેમાંથી પીળા રંગનો ધૂમાડો ફેલાયો હતો અને સાંસદોમાં અફરાતફરી મચી હતી. સાંસદોને તો એવું જ લાગ્યું હતું કે તેમની પર કોઈ એટેક થયો છે. કેટલાક સાંસદો અને સિક્યુરીટી દ્વારા બન્ને યુવાનોને ઝડપી લેવામાં આવ્યાં હતા. તો બીજી તરફ સંસદની બહાર નીલમ અને અણમોલ ગુપ્તા નામના યુવાન-યુવતીએ બખેડો ઊભો કર્યો હતો. નીલમ નારેબાજી કરી હતી કે તાનાશાહી નહીં ચલેગી.
શિવસેનાના સાંસદ અરવિંદ સાવંતે જણાવ્યું હતું કે સાંસદોએ બેમાંથી એક યુવાનને પકડ્યો હતો જ્યારે બીજાએ બાંકડા પર કૂદવાનું શરૂ કર્યું હતું. સંસદની અંદર અને બહાર બખેડો ઊભો કરનાર કુલ ચાર લોકો શખ્સો છે, જેમાં બે લોકસભાની અંદર ઘુસ્યાં હતા અને બે બહાર દેખાવ કરતાં હતા.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
