October 6, 2022
October 6, 2022

આ ખેલાડીઓ પર થશે પૈસાનો વરસાદ, 556 કરોડ બજેટ

આજથી IPL મેગા હરાજી : ગુજરાત ટાઇટન્સ પર બધાની નજર

ઈન્ડિયન પ્રીમિયર લીગ (IPL 2022)નું મેગા હરાજી આજે અને આવતીકાલે યોજાશે જેમાં શ્રેયસ અય્યર અને શાર્દુલ ઠાકુર જેવા ખેલાડીઓ પર તમામ ફ્રેન્ચાઈઝીની નજર રહેશે. ગુજરાત ટાઇટન્સ અને લખનૌ સુપરજાયન્ટ્સના જોડાવાથી દસ ટીમોની લીગ માટે બે દિવસીય હરાજીમાં 227 વિદેશી ખેલાડીઓ સહિત 590 ક્રિકેટરોની બોલી લાગશે. આ વર્ષે 10 થી વધુ ક્રિકેટરો 10 કરોડથી વધુની બોલી લગાવી શકે છે અને કેટલાક 20 કરોડમાં આસપાસ પણ વેચાઈ શકે છે. અય્યર સૌથી મોંઘો સાબિત થઈ શકે છે જ્યારે શાર્દુલ અને ઈશાન કિશનને પણ સારી બોલી મળવાની અપેક્ષા છે. આ સિવાય દીપક ચહર અને યુઝવેન્દ્ર ચહલને પણ 10 કરોડથી વધુ મળવાની આશા છે. મહેન્દ્ર સિંહ ધોની (ચેન્નઈ સુપર કિંગ્સ), વિરાટ કોહલી (રોયલ ચેલેન્જર્સ બેંગલોર) અને રોહિત શર્મા (મુંબઈ ઈન્ડિયન્સ) ને તેમની ટીમોએ જાળવી રાખ્યા છે.

કેએલ રાહુલ રુ.17 કરોડ સાથે રિટેન્શનમાં સૌથી મોંઘો ખેલાડી રહ્યો છે. દિલ્હી કેપિટલ્સના ભૂતપૂર્વ કેપ્ટન ઐયર પંજાબ કિંગ્સ (72 કરોડ રુપિયા પર્સ), સનરાઇઝર્સ હૈદરાબાદ (68 કરોડ રુપિયા પર્સ) અને રાજસ્થાન રોયલ્સ (62 કરોડ રુપિયા પર્સ) જેવી ટીમોને આકર્ષિત કરી શકે છે. પંજાબ પાસે સૌથી વધુ રુપિયા છે અને સૌથી વધુ ખાલી જગ્યાઓ(23) છે. તમામ ટીમોને મિડલ ઓર્ડરમાં ગેમ ચેન્જરની જરૂર છે. ધોનીની ચેન્નાઈ ટીમ કોઈ નવા પર ભરોસો મૂકવાની જગ્યાએ જાણીતા અને સફળ થયેલા ખેલાડીઓ પર ભરોસો કરશે. જ્યારે પંજાબ અને રાજસ્થાન જેવી ટીમો પણ મિડલ ઓર્ડરને મજબૂત કરવાનો પ્રયાસ કરશે. કોલકાતા નાઈટ રાઈડર્સની નજર પણ શ્રેયસ પર રહેશે. જોકે હવે તેની પાસે માત્ર 48 કરોડ રૂપિયાનું પર્સ બચ્યું છે. આ એક મેગા ઓક્શન હોવાથી અને ટીમોને ઓછામાં ઓછા 18 ખેલાડીઓની જરૂર છે, તો ભારતીય ખેલાડીઓ (કેપ્ડ અથવા અનકેપ્ડ) ને ટીમો તરત જ ખરીદવા માટે તૈયાર રહેશે.

બધાની નજર વોર્નર, હોલ્ડર, ક્વિન્ટન પર છે
વિદેશી ખેલાડીઓમાં ડેવિડ વોર્નર ફોર્મમાં છે અને આ ઓસ્ટ્રેલિયન ઓપનર સારી કિંમત મેળવશે તેવી અપેક્ષા છે. ઓપનર હોવા ઉપરાંત, કેપ્ટનશિપનો પણ દાવેદાર છે તેણે 2016માં સનરાઈઝર્સ હૈદરાબાદને ટ્રોફી જીતાડી હતી. વોર્નર ઉપરાંત, વેસ્ટ ઈન્ડિઝના જેસન હોલ્ડરની પણ સારી માંગ રહેવાની અપેક્ષા છે કારણ કે તે મોટા છગ્ગા ફટકારવામાં માહેર છે અને તે ઉપયોગી મીડિયમ પેસર પણ છે. આ ઉપરાંત ઝડપી બોલર કાગીસો રબાડા અને વિકેટ કીપર બેટ્સમેન ક્વિન્ટન ડી કોક માટે પણ ટીમો વચ્ચે સ્પર્ધા વધી શકે છે.

 64 ,  1 

Gujarat Vandan © 2021, All Rights Reserved