શહેરના 60 રૂટ પર હવે દોડશે ડબલ ડેકર ઇલેક્ટ્રિક ડબલ ડેકરની લોકપ્રિયતા-પર્યાવરણ સુધારણા હેતુ
- 11 Apr, 2024
અમદાવાદીઓ માટે ખુશીના સમાચાર આવ્યા છે. પહેલા અમદાવાદ મ્યુનિસિપલ કોર્પોરેશન દ્વારા શહેરના હાર્દ સમા આશ્રમ રોડ પર ટ્રાઈલ ધોરણે ડબલ ડેકર શરૂ કરવામાં આવી હતી. સમય જતાં આ સેવાને સમાન્ય જનતાનો સારો એવો પ્રતિસાદ સાંપડ્યો તેથી હવે કોર્પોરેશને આ સેવાને વધારવાનો નિર્ણય કરવામાં આવ્યો છે. શહેરને 60 જેટલા રૂટ માટે ડબલ ડેકર બસની સોગાત મળવાની શક્યતાઓ જણાઈ રહી છે.
પહેલા AMTS વાસણાથી ચાંદખેડાના રૂટ પર ડબલ ડેકર શરૂ કરાઇ હતી હવે ત્યારબાદ બીજા રૂટ પર પણ ડબલ ડેકર બસો દોડવાની વિચારણા ચાલુ છે. મહત્વનું છે કે, બજેટમાં ફક્ત સાત બસો ચલાવવાનું આયોજન હતું પરંતુ પર્યાવરણને ધ્યાનમાં લઈને હજી વધુ 60 જેટલા રૂટ પર ડબલ ડેકર બસોની શરૂઆત કરવાની અમદાવાદ મ્યુનિસિપલ કોર્પોરેશન દ્વારા આયોજન કરવામાં આવ્યું છે.
AMTS દ્વારા પર્યાવરણ અને મુસાફરોની સવલતને ધ્યાને રાખીને આ મોટો નિર્ણય લેવામાં આવ્યો છે. તાજેતરમાં અમદાવાદમાં ઇલેક્ટ્રિક ડબલ ડેકર બસની શરૂઆત કરાઇ હતી. જોકે હવે આ ઇલેક્ટ્રિક ડબલ ડેકર બસને સામાન્ય જનતાઓ સારો એવો પ્રતિસાદ સપડાતા તેની લોકપ્રિયતા પુષ્કળ વધી રહી છે . તેની સાથે પર્યાવરણનું પણ ધ્યાન રાખવાના ઉમદા હેતુસર નવી 60 ઇલેક્ટ્રિક ડબલ ડેકર બસ દોડાવવાનો નિર્ણય લેવાયો છે. હાલમાં સાત જેટલી ઇલેક્ટ્રિક ડબલ ડેકર બસ લાવવામાં આવી છે તે ખાનગી ઓપરેટરોને સોંપી દેવાઇ છે. આવી સ્થિતિમાં નવી 60 ઇલેક્ટ્રિક બસ ખરીદવામાં આવનાર છે તે ખાનગી ઓપરેટરોને જ ચલાવવા અપાશે કે કેમ તેનો નિર્ણય હજુ લેવાયો નથી.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ