ગુજરાત વંદન

Breaking News

જમ્મુ-કાશ્મીરમાં સર્ચ ઓપરેશન: માછિલ સેક્ટરમાં સૈનિકો અને આતંકીઓ વચ્ચે એન્કાઉન્ટર, અથડામણમાં 1 આતંકી ઠાર; 4 જવાન ઈજાગ્રસ્ત. આ દવાઓ મફત મળશે: ગુજરાતના તમામ આરોગ્ય કેન્દ્રો પર ફ્રીમાં મળશે જીવન જરૂરી મેડિસિન્સ, સરકારે યાદીમાં ઉમેરી નવી દવાઓ. ફ્રાન્સથી આવ્યા માઠા સમાચાર: ઓલિમ્પિકની શરૂઆત પહેલા ફ્રાન્સના રેલવે નેટવર્ક પર હુમલો થતા 8 લાખ લોકો અસરગ્રસ્ત, ટ્રેન નેટવર્કની ખામી શોધવાના પ્રયાસો ચાલું. ભારતીય શેરબજારોમાં મોટો ઉછાળો: સેન્સેક્સ 1292 અંક વધ્યો, નિફ્ટી 24834 પર બંધ; ભારતી એરટેલ, વિપ્રો, ટાટા સ્ટીલના શેર વધ્યા. ભષ્ટ્રાચારને નાથવા ગુજરાત સરકાર લાવશે કાયદો: વિધાનસભાના ચોમાસુ સત્રમાં વિધાયક આવે તેવી શક્યતા, ભષ્ટ્રાચાર કરનાર અધિકારીઓમાં ગભરાટ. કારગીલ વિજય દિવસની ઉજવણી: વડાપ્રધાન નરેન્દ્ર મોદીએ કારગિલ યુદ્ધના વીરોને આપી શ્રદ્ધાંજલિ, લદ્દાખમાં શિંકુન લા પ્રોજેક્ટની પણ કરી શરૂઆત. રાષ્ટ્રપતિ ભવનના હોલનું નામ બદલવાનો મામલો: કોંગ્રેસ મહાસચિવ પ્રિયંકા ગાંધીએ વડાપ્રધાન મોદી પર કર્યો શાબ્દિક હુમલો, કહ્યું- દરબારનો ખ્યાલ નથી પરંતુ 'શહેનશાહ'નો ખ્યાલ છે. સુપ્રીમ કોર્ટે કેન્દ્રને આપ્યો ઝાટકો: કોર્ટે કહ્યું- રાજ્યોને ખાણ અને ખનીજો ધરાવતી જમીનો પર ટેક્સ લગાવવાનો અધિકાર, ખનીજો પર ટેક્સ વસુલવાના મામલે મોટો ચુકાદો. શેરબજાર ખુલતાની સાથે જ તૂટ્યું: સેન્સેક્સ 600 અંક ઘટ્યો, નિફ્ટી 24300ની નીચે; ટાટા મોટર્સ, લાર્સન, કોટક મહિન્દ્રાના શેર વધ્યા. રેલવે મંત્રીએ આપ્યા સારા સમાચાર: મધ્યમ અને ઓછી આવક ધરાવનાર પરિવારોને થશે સીધો ફાયદો, જાણો અશ્વિની વૈષ્ણવે કરેલી જાહેરાત વિશે.

AMC સંચાલિત બગીચાઓની દયનીય હાલત, શહેરીજનો હેરાન , ના ટૉયલેટ, ના પીવાનું પાણી...

13 Apr, 2024

રાજ્યમાં દિવસે ને દિવસે ગરમીના પ્રમાણમાં વધારો થયો છે. ત્યારે અમદાવાદ મ્યુનિસિપલ કોર્પોરેશનના ગાર્ડનમાં લોકો ગરમીથી બચવા માટે આવીને બેસતા હોય છે. કોર્પોરેશનના ગાર્ડનમાં છાંયડો હોવાથી ઠંડકમાં લોકો બેસવા માટે તેમજ સવાર -સાંજ ચાલવા માટે , કસરત કરવા આવતા હોય છે. પરંતુ જો ગાર્ડનમાં પીવાનું પાણી ન મળે તો ગરમીમાં લોકો હેરાન પરેશાન થઈ જતાં હોય છે.

રાજ્યમાં ગરમીમાં પ્રમાણમાં વધારો થતા લોકો આરામ કરવા માટે છાંયડો શોધતા બગીચામાં આવે છે પણ પૂરતી વ્યવસ્થા તેમને મળતી નથી. મળતી માહિતી મુજબ અમદાવાદ મ્યુનિસિપલ કોર્પોરેશને કરોડોના ખર્ચે તૈયાર કરેલા ગાર્ડનમાં પાણી માટેની યોગ્ય વ્યવસ્થા જ નથી.પીવાના પાણી માટે ગાર્ડનમાં વોટર કૂલર તો લગાવ્યા છે પણ ધૂળ ખાઈ રહ્યા છે. વોટર કૂલર ચાલુ કરવાની સાથે તેમનું મેન્ટેનેન્સ કરવા માટે અધિકારીઓને રસ પણ ધરાવતા નથી .

સૂત્રોના જણાવ્યા અનુસાર કેટલાક ગાર્ડનમાં તો ટોયલેટની સુવિધા પણ સારી હોતી નથી. આવી ગરમીમાં માણસને પાણીની તરસ લાગે. તે ઉપરાંત સવારે વોકીંગ કરવા માણસો આવતા હોય. જેમાં વૃદ્ધ હોય કે કોઈ બાળક હોય, તે લોકોને પાણીની સાથે ટોયલેટની જરૂરીયાત હોય જ. ઉપરાંત અત્યારે વેકેશનની શરૂઆત થશે. તેથી સામાન્ય જનમાણસ પણ અહીંયા જ આવવાનાં છે. ઘણા બગીચાઓમાં પાણી માટે વોટર કુલર તો હોય છે પણ તે ઘણા સમયથી બંધ હોય છે.

અમદાવાદ મ્યુનિસિપલ કોર્પોરેશન હસ્તક 293 જેટલા ગાર્ડન છે. જેમાં મોટા ભાગના ગાર્ડનમાં પીવાના પાણી માટે વોટર કૂલર લગાવવામાં આવ્યા જ નથી. તો જ્યાં કરોડોનો ખર્ચ કરી વોટર કૂલર લગાવ્યા છે ત્યાં મેન્ટેનેન્સ પણ થતું ન હોવાથી જનતાના ટેક્સના પૈસાનો વ્યય થઈ રહ્યો હોય તેવું જાણવા મળી રહ્યું છે. કેટલાક ગાર્ડન એવા પણ છે કે જેમાં વોટર કૂલર ન હોવાથી સ્થાનિકોએ પોતાના ખર્ચે પીવાના પાણી માટે કુંડીઓ મૂકી છે. મળતી વિગત મુજબ છેલ્લા ઘણા સમયથી પીવાના પાણી માટેની બગીચાઓમાં કોઈ વ્યસ્થા જ નથી. જેને કારણે સવાર અને સાંજે ગાર્ડનમાં આવતા લોકોને તકલીફ પડે છે. અમદાવાદ મ્યુનિસપિલ કોર્પોરેશને ગાર્ડન તો ઘણા સારા બનાવ્યા છે ,પરંતુ જો તેમાં આવતા લોકોને માટે પીવાના પાણીની તેમજ ટોયલેટની સુવિધા વ્યવસ્થિત કરે તો જનતા તેનો લાભ ઉઠાવી શકે છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0