વડાલીમાં ભાજપ કાર્યાલયના ઉદઘાટન પ્રસંગે ઝપાઝપી : કોંગ્રેસ સામે ક્ષત્રિય સમાજના નામે હોબાળો કર્યાનો આરોપ...
![top-news](https://gujaratvandan.com/public/uploads/images/newsimages/GujaratVandan22042024_093845_WhatsApp Image 2024-04-22 at 2.54.38 PM.webp)
- 22 Apr, 2024
સાબરકાંઠાના વડાલીમાં ભાજપના કાર્યાલયના ઉદ્ઘાટન પ્રસંગે ઉગ્ર વિરોધ થતા હોબાળો મચી જવા પામ્યો હતો.પ્રાપ્ત માહિતી મુજબ વડાલી ગામમાં ભાજપના કાર્યાલયનું ઉદઘાટન થવા જઈ રહ્યું હતું એ સમયે એક ટોળું આવીને વિરોધ કરવા લાગ્યું , આ પ્રસંગે ભાજપના ધારાસભ્ય રમણલાલ વોરા માઇક પર સંબોધન કરી રહ્યાં હતા. પ્રદર્શનકારીઓ તેમનું માઇક લઈ લેવાનો પ્રયાસ કર્યો જેથી રમણલાલ રોષે ભરાયા અને તેમની વચ્ચે ઉગ્ર બોલાચાલી થઈ.
મળતી વિગત મુજબ ક્ષત્રિય સમાજના લોકો વિરોધ પ્રદર્શન કરવા માટે વડાલી ગામે આવવાની માહિતી મળી હોવાથી પોલીસ તંત્ર દ્વારા અગાઉથીજ અગમચેતીના પગલાં રૂપે બંદોબસ્ત કર્યો હતો, જેથી ક્ષત્રિયો ત્યાં પહોંચીન શકે . એવા સમયે ત્યાં બેરીકેડ લાવવવામાં આવ્યા હોવા છત્તા પ્રદર્શનકારીઓ તે તોડી આગળ વધવાના પ્રયનત કર્યો હતો. ઉપરાંત હાઇવે પર બેસીને નારા પણ લગાવ્યા હતા. ત્યારબાદ પોલીસના જવાનોએ તેમને રોકાવાના પ્રયાસો કર્યા પરંતુ બંને વચ્ચે ઘર્ષણ થયું હતું. છેવટે પોલીસ દ્વારા ધરસભ્યને કોર્ડન કરીને લઈ જવામાં આવ્યા હતા.
ભાજપના કાર્યાલયના ઉદ્ઘાટન પ્રસંગ બાદ થયેલી ઝપાઝપી બાદ ધારાસભ્ય રમણલાલ વોરાએ આ બનાવ અંગે આક્ષેપ કરતા કહ્યું હતું કે, કોંગ્રેસ ક્ષત્રિય સમાજનું બહાનું કાઢી અન્ય લોકોને સાથે રાખી ક્ષત્રિય સમાજના નામે હોબાળો કર્યો હતો અને બેઠકમાંમાં ખલેલ પહોંચાડી હતી. રમણલાલ વોરાએ ક્ષત્રિય સમાજને વિનંતી કરી હતી કે ક્ષત્રિય સમાજ તેમનો વિરોધ કરવાનો અધિકારી ભોગવે પરંતુ કોંગ્રેસ અને તેના મળતિયાઓ ક્ષત્રિય સમાજના નામે જે કામ કરી રહ્યાં છે, તેના કારણે ક્ષત્રિય સમાજને આગામી દિવસોમાં નુકસાન થશે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ