આજે અમદાવાદમાં જોવા નહીં મળે રિક્ષાવાળો : શટલીયા કે ટેક્ષી પણ જોવા નહીં મળે, બજારમાં જવાનો પ્લાન બનાવ્યો હોય તો રાખજો મુલતવી જાણો શું છે કારણ
![top-news](https://gujaratvandan.com/public/uploads/images/newsimages/GujaratVandan24072024_055220_2321.webp)
- 24 Jul, 2024
શહેરમાં આજે રિક્ષા ચાલકો અને ટેક્ષી ડ્રાઇવર હડતાળ પર ઉતાર્યા છે.આ હડતાળ સવારના 6 વાગ્યાથી ચાલુ થઈ ગઈ છે. તેથી જો કોઈ શેરીંગ રિક્ષા અટલેકે શટલીયાની રાહ જોતાં હો તો હવે રોકાશો નહીં, બીજી કોઈ વ્યવસ્થા કરી લે જો. અથવા આપણી AMTSતો છે જ. ગૃહિણીઓએ જો બજારમાં જવાનો પ્લાન બનાવ્યો હોય તો તે પોસ્ટપોન્ડ કરજો,ઍટલે બીજા દિવસ પર મુલતવી રાખજો. આજે શહેરના તમામ ટેક્ષી-રીક્ષાના પૈડા થમી ગયા છે.
અમદાવાદના શહેરના લગભગ 2.5 લાખ જેટલાં રિક્ષાચાલકો અને 80000 જેટલાં ટેક્સી ચાલકો આજે હડતાળ પર ઉતરી ગયા છે. મુસાફરોને એક સ્થળેથી બીજા સ્થળે પહોંચાડવાનું કામ કરતા આ રીક્ષા-ટેક્ષી ડ્રાઇવરો દ્વારા 24 જુલાઇના રોડ હડતાલ જાહેર કરવામાં આવી છે,પ્રાપ્ત માહિતી અનુસાર રિક્ષાચાલકો અને ટેક્સી ડ્રાઈવર્સની માંગ છે કે સફેદ નંબર પ્લેટ પર ગેરકાયદે એગ્રીગેટર કંપનીઓના શહેરોમાં ધમધમતાં ટુ વ્હિલર બંધ કરાવવામાં આવે.
ઉલ્લેખનીય છે કે આ કારણે રિક્ષાચાલકો અને ટેક્સી ડ્રાઈવર્સે ગાંધી ચિંધ્યા માર્ગે આંદોલન કરવાની જાહેરાત કરી છે. ઉપરોક્ત મામલે ડ્રાઇવરોના જણાવ્યા મુજબ છેલ્લા દોઢ વર્ષથી ઓનલાઇન એપ્લિકેશન દ્વારા કોમર્શિયલ વાહનો બદલે ખાનગી વાહનો ચાલતા હોવાના કારણે તેમના ધંધા પર તેની અસર પડી હતી. જેના કારણે રીક્ષા-ટેક્ષી ડ્રાઇવરોને ખોટ ખાવાની વારી આવી છે. આ કારણને લઇ તમામ ચાલકો હડતાલ પર ઉતાર્યા છે.
તેથી જો આજે રેલવે સ્ટેશન એરપોર્ટ અને બસ સ્ટેશન જવું હોય તો ગોઠવણ જાતે કરી લેજો .