September 27, 2022
September 27, 2022

AMTS બસમાં મુસાફરોને આજથી કેશલેસ ટિકિટ મળશે…

PAYTMથી ટિકિટ બુક કરો અને મેળવો એક વખત મફત મુસાફરીનો લાભ

હવે તમારા ખિસ્સામાં રૂપિયા નહિ હોય અને તમે એએમટીએસ બસમાં ચઢો છો, તો ચિંતા કરવાની જરૂર નથી. કારણ કે એએમસી દ્વારા કેશલેશ સુવિધા શરૂ કરવામાં આવી છે. હવેથી AMTS બસમાં ડિજીટલ ટિકિટ મેળવી શકાશે. આજથી અમદાવાદમાં નવી સુવિધાનો પ્રારંભ થયો છે. જેથી હવે તમે ઓનલાઈન ટિકિટ મેળવી શકશો. હવેથી એએમટીએસ બસમાં કેશલેસ અને કોન્ટેક્ટ લેસ ડિજીટલ માધ્યમથી ટીકિટિંગ લઈ શકાશે. આજથી વાસણા ટર્મિનલ ખાતે આ યોજનાનો શુભારંભ કારયો છે.

AMTS બસમાં અંદાજે ત્રણ લાખ પ્રવાસીઓ મુસાફરી કરે છે અને અને તમામ બસોમાં કેશલેસ ટિકીટીંગ સુવિધાનો પ્રારંભ કરાવામાં આવ્યો છે.પ્રવાસીઓ મોબાઇલમાં paytm મારફતે ટિકિટ બુક કરાવી શકે છે અને એક વાર મુસાફરી ફ્રિમાં મળશે.પહેલી વાર બૂક કરશે ત્યારે ફ્રિ થઇ જશે.

ઉલ્લેખનીય છે કે, અમદાવાદ શહેરમાં અંદાજે 3 લાખ પ્રવાસીઓ રોજના બસમાં મુસાફરી કરે છે. તેમના માટે આ સુવિધા ખાસ બની રહેશે. ડિજીટલ યુગમાં એએમસી દ્વારા લેવાયેલો આ નિર્ણય લોકોએ આવકાર્યો હતો. કારણ કે, આજે દરેક વ્યક્તિ મોબાઈલમાં ડિજીટલ ટ્રાન્ઝેક્શન કરે છે. ડિજીટલ યુગમાં લોકો પર્સ લઈને બહાર નીકળતા નથી. હાથમાં મોબાઈલ હોય તો તમામ ટ્રાન્ઝેક્શન થઈ જાય છે. તેથી એએમસીના આ નિર્ણય લોકો માટે સુવિધાજનક બની રહેશે.

આ વિશે એએમસીના અધિકારીઓએ જણાવ્યું કે, AMTSમાં હવે BRTS ની જેમ જ પેટીએથી ક્યુઆર કોડ દ્વારા ઓનલાઈન પેમેન્ટ થાય અને ટિકિટ મળે તેવી વ્યવસ્થા મૂકાઈ છે. હવે નાગરિકોને તરત કિટિક મળશે તેના માટે લાઈનમાં ઉભુ રહેવુ નહિ પડે. કોર્પોરેશનની સર્વિસ માટે જેટલા પેમેન્ટ થાય છે, તે તમામ ઓનલાઈન થાય તેવી વ્યવસ્થા જલ્દી જ ઉભી કરાશે. આ તમામમાં લોકોને સહકાર મળશે તેવી આશા છે.

નવી 10 સીએનજી બસોનો ઉમેરો

એએમસી દ્વારા નાગરિકોને વધુ સુવિધા આપવા માટે સીએનજી બસોમાં વધારો કરવામા આવ્યો છે. આજે નવી ૧૦ સીએનજી બસોને ફલેગ ઓફ કરવામા આી હતી. આ પ્રસંગે મેયર, ડે.મેયર સહિત એએમટીએસ કમિટી ચેરમેન હાજર રહ્યા હતા. હાલ અમદાવાદમાં 150થી વધુ CNG અને ઇલેક્ટ્રિક બસો કાર્યરત છે.

 39 ,  2 

Gujarat Vandan © 2021, All Rights Reserved