ગુજરાત વંદન

ભારત એશિયા ચેમ્પિયનશિપની ફાઈનલમાં : ભારતે જાપાનને સેમી ફાઇનલમાં હરાવ્યું ...

17 Feb, 2024

બેડમિન્ટન એશિયા ચેમ્પિયનશિપમાં ભારતની દીકરીઓએ એ કરી બતાવ્યું છે જે આજ સુધી કોઈ ભારતીય બેડમિન્ટન ખેલાડીએ કર્યું ન હતું. બેડમિન્ટન એશિયા ચેમ્પિયનશિપમાં ભારતે ઈતિહાસ રચ્યો છે. આજે રમાયેલી સેમિફાઇનલ મેચમાં ભારતની 17 વર્ષીય ત્રિશા જોલી અને ગાયત્રી ગોપીચંદની જોડીએ જાપાની જોડીને 3-2થી હરાવી હતી. આ સાથે ભારતીય ટીમ આ ચેમ્પિયનશિપની ફાઇનલમાં પહોંચી ગઈ છે.

ભારત પ્રથમ વખત આ ચેમ્પિયનશિપની ફાઇનલમાં પહોંચ્યું છે. આ પહેલા, ન તો પુરૂષોની ટીમ અને ન તો મહિલા ટીમ આવું કરી શકી હતી. ત્રિશા અને ગાયત્રીની જોડીએ વિશ્વની 6 નંબરની જોડી અને પૂર્વ ઓલ ઈંગ્લેન્ડ ચેમ્પિયન શિડા અને માત્સુયામાને 21-17, 16-21, 22-20થી હરાવી હતી.

ભારત તરફથી વિશ્વની 23મા ક્રમાંકની જોડી ત્રિશા જોલી અને ગાયત્રી ગોપીચંદ અને વિશ્વમાં નંબર 53ની જોડી અશ્મિતા ચલિહા અને 17 વર્ષીય અનમોલ ખરાબે પ્રથમ ડબલ્સમાં અને પછી નિર્ણાયક સિંગલ્સમાં જીત મેળવીને ભારતને ચેમ્પિયનશિપની ફાઇનલમાં પહોંચાડ્યું હતું. ફાઇનલમાં ભારતનો સામનો થાઇલેન્ડ સામે થશે અને આ ટાઇટલ મેચ આવતીકાલે રમાશે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0

ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ‎

https://rb.gy/7vfj