ગુજરાત વંદન

T20 વર્લ્ડ કપ માટે ભારતની જર્સી લોન્ચ, હેલિકોપ્ટર દ્વારા હવામાં લહેરાતી કરાઇ લોન્ચ...

07 May, 2024

આગામી ICC T20 વર્લ્ડ કપ 2024 પહેલી જૂનથી શરૂ થવા જઈ રહ્યો છે, જે માટે ભારતીય ક્રિકેટ ટીમના ખેલાડીઓની નવી જર્સી ટીમના ઓફિશિયલ નિર્માતા એડીડાસ દ્વારા લોન્ચ કરવામાં આવી છે. આ જર્સીને એક આગવી સ્ટાઈલથી આકાશમાં વાદળોની વચ્ચે હેલિકોપ્ટરમાં લોન્ચ કરવામાં આવી છે. આ જર્સીના ફર્સ્ટ લુકમાં બરફના પહાડો અને ખુલ્લી ખીણો બતાવવામાં આવી છે. ભારતીય ક્રિકેટ ટીમની નવી જર્સી હવામાં લહેરાતી લોન્ચ કરવામાં આવી હતી. ભારતીય ક્રિકેટ ટીમની કિટના સત્તાવાર નિર્માતા એડિડાસે નવી જર્સી વિશે માહિતી આપી. પોસ્ટ કરતી વખતે એડિડાસે લખ્યું, 'એક જર્સી. એક રાષ્ટ્ર. પ્રસ્તુત છે ટીમ ઈન્ડિયાની નવી T20 જર્સી. આ જર્સી 7મી મેના રોજ સવારે 10:00 વાગ્યાથી સ્ટોર્સ અને ઓનલાઈન ઉપલબ્ધ થશે.

આ જર્સી ટીમ ઈન્ડિયાની અન્ય જર્સીથી અલગ છે. સામાન્ય રીતે ટીમ ઈન્ડિયાની જર્સી બ્લુ કલરની હોય છે પરંતુ આ જર્સીમાં બ્લુ કલરની સાથે ઓરેન્જ કલરનો પણ ઉપયોગ કરવામાં આવ્યો છે. આ જર્સી ખૂબ જ આકર્ષક લાગી રહી છે, આ જર્સીમાં V ટાઈપની ગરદન છે અને જર્સીની ગરદન પર ત્રિરંગાનો રંગ પણ દેખાય છે. સોલ્ડર પર ઓરેન્જ કલર છે. આ સાથે, છાતીની આગળની જર્સીનો રંગ સંપૂર્ણપણે વાદળી છે. જર્સી પર BCCI, Adidas અને Dream-11ના લોકો પણ જોવા મળે છે. આ સાથે ભારતનું નામ પણ ઓરેન્જ રંગમાં લખાયેલું છે.

જર્સી જે ICC T20 વર્લ્ડ કપ માટે લોન્ચ કરવામાં આવી છે. ટીમ ઈન્ડિયાએ 2019માં યોજાયેલા વર્લ્ડ કપમાં પણ આવી જ જર્સી પહેરી છે. પરંતુ તે જર્સીનો વાદળી રંગ ઘાટો હતો અને તે જર્સીમાં કેસરી રંગનો પણ ઉપયોગ કરવામાં આવ્યો હતો.T20 વર્લ્ડ કપ 1 જૂનથી શરૂ થવા જઈ રહ્યો છે. આ ટુર્નામેન્ટની ફાઇનલ મેચ 29 જૂને રમાશે. ભારતીય ટીમ પોતાની પ્રથમ મેચ 5 જૂને આયર્લેન્ડ સામે રમવા જઈ રહી છે. જ્યારે 9 જૂને તે પાકિસ્તાન સામે રમતા જોવા મળશે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0