September 25, 2022
September 25, 2022

1 એપ્રિલથી આ વસ્તુઓ ખરીદવી થઈ જશે મોંઘી …..

જાણો તમારા ખિસ્સા પર કેવી રીતે પડશે સીધી અસર

2021-22 નાણાકીય વર્ષનો આજે અંતમિ દિવસ છે અને આવતીકાલથી એટલે કે 1 એપ્રિલથી નવુ નાણાકીય વર્ષ શરૂ થશે. આ દિવસથી જ ગ્રાહકો પર મોંઘવારીનો બોજ વધુ વધવા જઈ રહ્યો છે. જેમાં ટીવી, એસી ફ્રીજ સાથે મોબાઈલ ચલાવવો પણ મોંઘો થઈ જશે.

નાણામંત્રી નિર્મલા સીતારમણે આ વર્ષે ફેબ્રુઆરીમાં રજૂ કરેલા બજેટમાં ઘણી પ્રોડક્ટ્સ પર આયાત ડ્યૂટી વધારી હતી, જ્યારે કેટલાક પર કાપ મૂકવામાં આવ્યો હતો. નવા દર 1લી એપ્રિલથી લાગુ થશે. તેથી જે કાચા માલ પર એક્સાઈઝ ડ્યુટી વધારવામાં આવી છે, તેને લગતા ઉત્પાદનોના ભાવમાં વધારો થવાનું માનવામાં આવે છે.

ટીવી, એસી, ફ્રીજ મોંઘા થશે
સરકારે 1 એપ્રિલથી એલ્યુમિનિયમ ઓર અને કોન્સન્ટ્રેટ પર 30 ટકા આયાત જકાત લાદી છે. તેનો ઉપયોગ ટીવી, એસી અને ફ્રીજ માટે હાર્ડવેર બનાવવા માટે થાય છે. કાચા માલની સપ્લાય મોંઘા થવાના પગલે કંપનીઓના ઉત્પાદન ખર્ચમાં વધારો થશે અને જેની સીધી અસર ગ્રાહકો પર પડશે. આ સિવાય કોમ્પ્રેસરમાં વપરાતા પાર્ટ્સ પર પણ આયાત ડ્યૂટી વધારવામાં આવી છે, જેના કારણે રેફ્રિજરેટરની કિંમતમાં વધારો થશે.

LED બલ્બના ભાવમાં પણ વધારો થશે
સરકારે LED બલ્બ બનાવવામાં વપરાતી સામગ્રી પર મૂળભૂત કસ્ટમ ડ્યુટીની સાથે 6 ટકા રિઇમ્બર્સમેન્ટ ડ્યુટી વસૂલવાનું કહ્યું છે. 1 એપ્રિલથી તેનો નવો નિયમ લાગુ થયા બાદ LED બલ્બ પણ મોંઘા થઈ જશે.

સરકારે ચાંદી પરની આયાત ડ્યૂટીમાં પણ ફેરફાર કર્યો છે, જેના કારણે ચાંદીના વાસણો અને તેનાથી બનેલા ઉત્પાદનો પણ 1 એપ્રિલ પછી મોંઘા થઈ જશે. આ ઉપરાંત સ્ટીલના સામાન પર પણ મોંઘવારીનો માર પડશે અને આવતીકાલથી સ્ટીલના બનેલા વાસણો મોંઘા થશે.

મોબાઈલની કિંમત પણ વધશે
સરકારે મોબાઈલ ફોન બનાવવા માટે વપરાતા પ્રિન્ટેડ સર્કિટ બોર્ડ પર પણ કસ્ટમ ડ્યુટી લગાવી છે. એટલે કે બહારથી આ ઉત્પાદનોની આયાત હવે મોંઘી થશે, જેની અસર કંપનીઓના ઉત્પાદન ખર્ચ પર પડશે. અમેરિકન ફર્મ ગ્રાન્ટ થ્રોન્ટનના જણાવ્યા અનુસાર સરકારના આ નિર્ણયની સીધી અસર ગ્રાહકો પર પડશે અને મોબાઈલની કિંમતો વધી શકે છે.

વાયરલેસ ઈયરબડ અને હેડફોન મોંઘા થશે
બજેટમાં સરકારે વાયરલેસ ઈયરબડમાં વપરાતા કેટલાક ઉપકરણો પર ઈમ્પોર્ટ ડ્યૂટી વધારી દીધી છે, જેના કારણે તેમનું ઉત્પાદન મોંઘું થશે. એવું માનવામાં આવે છે કે એપ્રિલથી વાયરલેસ ઇયરબડ બનાવતી કંપનીઓ પણ તેમના ઉત્પાદનોની કિંમતો વધારી શકે છે. આ સિવાય પ્રીમિયમ હેડફોનની આયાત પર પણ ડ્યૂટી વધશે, જેના કારણે 1 એપ્રિલ પછી હેડફોન ખરીદવું ગ્રાહકો માટે મોંઘું પડશે.

આ ઉત્પાદનો સસ્તા થઈ શકે છે

બજેટમાં સ્માર્ટફોનને લગતી ઘણી પ્રોડક્ટ્સ પરની ઈમ્પોર્ટ ડ્યૂટીમાં પણ ઘટાડો કરવામાં આવ્યો છે. જેમાં મોબાઈલ ચાર્જર, ટ્રાન્સફોર્મર, કેમેરા લેન્સ મોડ્યુલ જેવી વસ્તુઓનો સમાવેશ થાય છે. નવી ડ્યુટી લાગુ થયા બાદ સંબંધિત ઉત્પાદનોની કિંમતો નીચે આવી શકે છે. સરકારે સ્માર્ટવોચ અને ફિટનેસ બેન્ડના કેટલાક ભાગો પરની એક્સાઈઝ ડ્યુટી પણ ઘટાડી છે, જેના કારણે એપ્રિલથી આ પ્રોડક્ટ્સ થોડી સસ્તી થઈ શકે છે.

 105 ,  1 

રસપ્રદ

રાજકારણ

વ્યાપાર

Gujarat Vandan © 2021, All Rights Reserved