વંદે ભારતને ટ્રેનને લઈને આવ્યા મોટા સમાચાર : મુંબઈથી ગાંધીનગર 110 કિમી ની બદલે 160 કિમી ની ઝડપે દોડશે.
- 26 Feb, 2024
દેશની લોકપ્રિય વંદે ભારત ટ્રેનને લઈને એક અપડેટ સામે આવી છે. મુસાફરો માટે ખુશીના સમાચાર છે. વંદે ભારત એક્સપ્રેસની હવેથી ઝડપમાં વધારો કરવામાં આવ્યો છે. વંદે ભારત એક્સપ્રેસ મુંબઈથી ગાંધીનગર સુધી સ્પીડથી દોડશે. જેથી મુસાફરીના સમયમાં 25 થી 30 મિનિટનો ઘટાડો થશે . આ સિવાય બીજી વંદે ભારત ટ્રેન પણ મુંબઈથી શરૂ થવાની શક્યતા વર્તાઇ રહી છે.
હાલમાં વંદે ભારત એક્સપ્રેસ દેશભરમાં 82 જગ્યાએથી શરૂ કરવામાં આવી છે. ટ્રેનની ઝડપ તેમજ સુવિધાઓને જોતાં મુસાફરો દ્વારા અનેક શહેરોમાંથી આ ટ્રેનો શરૂ કરવાની માગ ઉઠી છે. તેથી આ વર્ષના અંત સુધીમાં 200થી વધુ ટ્રેનો શરૂ થવાની આશા છે.
માર્ચ 2024થી મુંબઈ અને ગાંધીનગર વચ્ચે મુસાફરીનો સમય ઘટવાનો છે. કારણ કે પશ્ચિમ રેલવે ઈન્ફ્રાસ્ટ્રક્ચર અને એન્જિનિયરિંગમાં સુધારો કરી રહી છે. તે સુધારાઓનો અંતિમ તબક્કો આવી ગયો છે. આ તબક્કો પૂરો થયા બાદ ટ્રેનને 160 કિલોમીટર પ્રતિ કલાકની ઝડપે દોડવાની મંજૂરી આપવામાં આવશે. હાલમાં આ ટ્રેન 110 કિલોમીટર પ્રતિ કલાકની ઝડપે દોડી રહી છે. પરંતુ ટૂંક સમયમાં વંદે ભારત અને શતાબ્દી ટ્રેન 160 કિમી પ્રતિ કલાકની ઝડપે દોડશે.
હાલમાં મુંબઈ-અમદાવાદ રૂટ પર વંદે ભારત ટ્રેન લગભગ 5.15 કલાક અને શતાબ્દી ટ્રેન 6.35 કલાક લે છે. હાલમાં વંદે ભારત વિરાર અને ચર્ચગેટ વચ્ચે 100-110 કિમી પ્રતિ કલાકની ઝડપે દોડે છે. આ ટ્રેનની સ્પીડ 160 કિમી સુધી પહોંચી ગયા બાદ 30 મિનિટ સમય બચી જશે.
હાલમાં મહારાષ્ટ્રમાંથી 7 રેલવે લાઈનો પર વંદે ભારત શરૂ કરવામાં આવી છે. આ ટ્રેન રાજ્યમાં મુંબઈથી સોલાપુર, મુંબઈથી શિરડી, મુંબઈથી જાલના, મુંબઈથી ગાંધીનગર (અમદાવાદ), નાગપુરથી બિલાસપુર, ઈન્દોરથી નાગપુર અને મુંબઈથી ગોવા રૂટ પર દોડે છે.
હવે સાઉથ કન્નડ સાંસદ નલિન કુમાર કાતિલે રેલ મંત્રી પાસે નવી માંગણી કરી છે. તદનુસાર મડગાંવ વંદે ભારત એક્સપ્રેસને મેંગલુરુ સેન્ટ્રલથી મુંબઈ ડાયવર્ટ કરવાની વિનંતી કરવામાં આવી છે. જો રેલવે મંત્રી અશ્વિની વૈષ્ણવ આ વિનંતી સ્વીકારશે તો મુંબઈને બીજી વંદે ભારત મળશે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
