ગુજરાત વંદન

સુરતમાં બે સગા ભાઈઓ દ્વારા આપઘાત : લોનના હપ્તા નહીં ભરાતા આપઘાત કર્યાની આશંકા ...

21 Mar, 2024

સુરતના અમરોલી વિસ્તારમાં બે સગા ભાઈઓએ આપઘાત કર્યો છે. બંને ભાઈઓ રત્નકલાકાર તરીકે કામ કરતા હતા. અનાજમાં નાખવાની દવા પી આપઘાત કર્યો હતો. બન્નેને ખાનગી હોસ્પિટલમાં સારવાર માટે ખસેડયા હતા. જ્યાં સારવાર દરમિયાન બન્નેનું મોત નીપજ્યું હતું. હાલ અમરોલી પોલીસે વધુ તપાસ હાથ ધરી છે.મૃતકોના નામ -હિરેન ચંદુભાઈ સુતરિયાઅને પરીક્ષિત ચંદુભાઈ સુતરિયા છે.

અમરોલી વિસ્તારમાં રહી બન્ને ભાઈ હીરા ઘસવાનું કામ કરી પરિવારનું ગુજરાન ચલાવતા હતા. લોનના હપ્તા નહીં ભરાતા બન્નેએ આપઘાત કરવાનું પગલું ભર્યાની શંકા વ્યક્ત કરવામાં આવી છે. ઘટનાને પગલે અમરોલી પોલીસ દોડી ગઈ હતી અને બન્નેના મૃતદેહને પીએમ માટે સિવિલ હોસ્પિટલ ખસેડ્યા હતા. પોલીસે પરિવારજનોનાં નિવેદન નોંધવાની તજવીજ હાથ ધરી છે.બન્ને ભાઈએ એકસાથે આપઘાત કરી લેતા પરિવાજનો ઘેરા આઘાતમાં સરી પડ્યાં છે. તેમજ સગાં-સંબંધીઓ પણ સિવિલ હોસ્પિટલ દોડી ગયા છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎