ગુજરાત વંદન

હોળી-ધૂળેટીમાં મેડિકલ ઈમરજન્સીમાં વધારાની સંભાવના : 108 હાનિકારક રસાયણ ધરાવતા રંગો દ્વારા ન રમવી

23 Mar, 2024

હોળી-ધૂળેટીના તહેવાર દરમિયાન મેડિકલ ઈમરજન્સીમાં સામાન્ય દિવસોની સરખામણીએ 8 થી 29 ટકા સુધીનો વધારો થઈ શકે છે. સામાન્ય દિવસોમાં મેડિકલ ઈમરજન્સીના સરેરાશ 3709 કોલ્સ નોંધાતા હોય છે જેની સરખામણીએ આ વર્ષે હોળીમાં 4013, ધૂળેટીમાં 4788 કોલ્સ નોંધાય તેવી સંભાવના છે.

ઈમરજન્સી સેવા ‘108’દ્વારા જારી કરવામાં આવેલી વિગતો અનુસાર હોળી-ધૂળેટીમાં મુખ્યત્વે વાહન અકસ્માતમાં અનુક્રમે 42.57 ટકા અને અન્ય ટ્રોમા ઈમરજન્સીમાં 53.39 ટકા વધારો થવાની સંભાવના છે. અન્ય ટ્રોમા ઈમરજન્સીમાં મુખ્યત્વે પડી જવાની તથા શારીરિક હુમલાની ઈજાના કેસમાં વધારો થશે. જિલ્લા પ્રમાણે અરવલ્લી, ભરૂચ, મોરબી, પંચમહાલ પોરબંદર, સુરત, વલસાડમાં વધારે કેસ નિતેવી સંભાવના છે. ગત વર્ષે સામાન્ય દિવસમાં મેડિકલ ઈમરજન્સનિદૈનિક સરેરાશ 3923 કેસ નોંધાયા હતા. જેની સરખામણીએ ગત વર્ષે હોળીમાં 3808, ધુળેટીમાં 4411 કેસ નોંધાયા હતાં. આ વખતે હોળી દરમિયાન રાત્રે 10 થી 11 ના સૌથી વધુ 29.73 ટકા અને ધુળેટી વખતે સાંજે 6થી 7 દરમિયાન સૌથી વધુ 61 ટકા કેસ નોંધાઈ શકે છે.

નિષ્ણાતોના મતે હોળી રમતી વખતે તકેદારી રાખવી જરૂરી છે. આંખમાં સનગ્લાસ પહેરી રાખવા જોઇએ, જેથી હાનિકારક રસાયણ ધરાવતા રંગથી આંખોને રક્ષણ મળી રહે છે. વાહન ચલાવતી વખતે પણ સાવચેતી રાખવી ખાસ જરૂરી છે. આ ઉપરાંત ભીના હાથે વિદ્યુત ઉપકરણનો ઉપયોગ કરવો જોઈએ નહીં. અસ્વચ્છ પાણીવાળા સ્ટોલમાં ખોરાક ખાવાથી દૂર રહેવું જોઇએ.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎