ગુજરાત વંદન

સારી દુનિયા કા બોજ ઉઠાતે હૈ -કુલીઓ માટે ખુશીના સમાચાર : જૂના વેતન 250 રૂપિયાના બદલે હવે 340 આપવા પડશે

30 Mar, 2024

રેલ્વે બોર્ડ દ્વારા વધતી જતી મોંઘવારીને ધ્યાન માં લઈને રેલવે સ્ટેશનો ઉપર મુસાફરોને ઉપયોગી બનતા અને તેમનો માલ-સામાન વહન કરતા કુલીઓ માટે અનદના સમાચાર આપ્યા છે, તેમણે કુલીઓના સુવિધા અને વેતન વધારવા નો નિર્ણય કર્યો છે, તેથી કુલીઓને હવે જૂના વેતન પર કામ કરવું પડશે નહીં. રેલવે બોર્ડે કુલીઓની સુવિધામાં વધારો કર્યા બાદ વેતન વધારવાના આદેશ આપ્યા છે. મોંઘવારીને ધ્યાનમાં રાખીને માલસામાનની વહન માટે કુલીઓના દરમાં વધારો કરવાની માંગ તેમની પુષ્કળ જૂની હતી, જેનો હાલ માં ચુંટણી પહેલા નિવેડો આવ્યો હતો .

આ સિવાય તેમને રેલવે કર્મચારીઓની જેમ અનેક પ્રકારની સુવિધાઓ પણ આપવામાં આવી રહી છે.કુલી વેતન અંગે રેલવેના એક વરિષ્ઠ અધિકારીએ જણાવ્યું હતું કે સામાન વહન કરનારા કુલીઓના દર લગભગ પાંચ વર્ષ પછી વધારવામાં આવ્યા છે. રેલવે બોર્ડના આદેશ બાદ રાયપુર ડિવિઝનમાં આનો અમલ કરવામાં આવ્યો છે. બોર્ડે કહ્યું કે તેને દેશભરના તમામ 68 વિભાગોમાં લાગુ કરવામાં આવવો જોઈએ.

અધિકારીએ કહ્યું કે ઝોનલ રેલ્વેના જનરલ મેનેજરને કુલીના દરોની સમીક્ષા કરવાનો અને તેને તર્કસંગત બનાવવાનો અધિકાર હશે.રેલવે અધિકારીએ કહ્યું કે જો વજન 40 કિલોથી વધુ હોય તો તમારે રેલ મુસાફરી માટે 250 રૂપિયાના બદલે 340 રૂપિયા ચૂકવવા પડશે. તે જ સમયે, વૃદ્ધ અથવા બીમાર વ્યક્તિને વ્હીલ ચેર પર લાવવા માટે, તેણે 130 રૂપિયાની જગ્યાએ 180 રૂપિયા ચૂકવવા પડશે. બીમાર વ્યક્તિને સ્ટ્રેચર પર લાવવા માટે તમારે 200 રૂપિયાની જગ્યાએ 270 રૂપિયા ચૂકવવા પડશે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0