બનાસકાંઠા કોંગ્રેસનાં ઉમેદવાર ગેનીબેને આપી પોલીસને ચેતવણી : કાર્યકર્તાઓને હેરાન કરશો તો કોલર પકડતા વાર નહીં
![top-news](https://gujaratvandan.com/public/uploads/images/newsimages/GujaratVandan06042024_110814_Geniben-Thakor-Vav-MLA.jpg)
- 06 Apr, 2024
દેશની સાથે રાજ્યમાં પણ ચુંટણીનો માહોલ ગરમાયો છે, રાજકીય નેતાઓ પણ ચુંટણી પ્રચારમાં લાગી ગયા છે. વિપક્ષો પર આકાર પ્રહાર કરીને સભા ગજવવામાં મશગુલ છે. રૂપાલા વિવાદ હજુ શમ્યો નથી ,ત્યાંતો કોંગ્રેસના બનાસકાંઠાના ઉમેદવાર આજે આક્રમક મૂડમાં જોવા મળ્યા હતા. પ્રાપ્ત માહિતી મુજબ બનાસકાંઠા લોકસભા બેઠકના કોંગ્રેસનાં ઉમેદવાર ગેનીબેન ઠાકોરે પોલીસને ચેતવણી આપી છે.
ચૂંટણી પ્રચાર દરમ્યાન જાહેરસભામાં ગેનીબેને પોલીસને ચેતવણી આપી હતી. તેમણે જણાવ્યું હતું કે, કોંગ્રેસનાં કાર્યકરોને હેરાન કરશો તો કોલર પકડીશ. DSP નો કોલર પકડતા પણ મને વાર નહી લાગે. ભૂતકાળમાં પણ તેવું કર્યું છે. અને આવનાર સમયમાં પણ કરીશું. કોઈપણ કોંગ્રેસનાં કાર્યકરને હેરાન ન કરવા પોલીસને આપેલી ચેતવણી બાદ બનાસકાંઠાનાં રાજકારણમાં ગરમાવો આવ્યો છે.