ગુજરાત વંદન

ગુજરાતમાં સાતમી મેના દિવસે જાહેર રજા : સામાન્ય વહિવટ વિભાગે પરિપત્ર દ્વારા આપી માહિતી :

08 Apr, 2024

આ વર્ષે દેશમાં લોકસભાની ચૂંટણી યોજાનાર છે. અને ચુંટણી યોજવાને આડે હવે ગણતરીના દિવસો બાકી રહ્યા છે. નક્કી કરેલા સાત તબક્કામાંથી ગુજરાતમાં ત્રીજા તબક્કામાં મતદાન યોજાનાર છે. તે દિવસે રાજ્ય સરકારે રજા જાહેર કરી છે. એટલે કે, સાતમી મેનાં રોજ સમગ્ર રાજયમાં જાહેર રજા રહેશે. આ અંગેની માહિતી રાજ્ય સરકારના સામાન્ય વહિવટ વિભાગે પરિપત્ર દ્વારા જાહેર કરીને આપી છે.

આ વખતે લોકસભા ચૂંટણીનું આયોજન સાત તબક્કામાં થવાનું છે. ત્યારે પ્રથમ તબક્કાની શરૂઆત 19મી એપ્રિલથી થશે અને પહેલી જૂનના રોજ સાતમા એટલે કે છેલ્લા તબક્કાનું મતદાન યોજાશે. ગુજરાતમાં 26 લોકસભાની બેઠકો પર સાતમી મેના રોજ એક જ તબક્કામાં મતદાન યોજાશે. એટલે કે લોકસભા ચૂંટણીના ત્રીજા તબક્કા દરમિયાન ગુજરાતમાં લોકસભા ચૂંટણી માટે મતદાનનું સમાપન થઈ જશે. જ્યારે પરિણામ ચોથી જૂને જાહેર કરવામાં આવશે.

ગુજરાતની વિજાપુર, ખંભાત, વાઘોડિયા, માણાવદર અને પોરબંદર બેઠક પર વિધાનસભાની પેટાચૂંટણી યોજાવાની છે. આ ચૂંટણીનું આયોજન પણ લોકસભાની ચૂંટણીઓ સાથે જ થવાનું છે. જોકે મહત્ત્વપૂર્ણ એ છે કે આ પાંચ બેઠકોની પેટાચૂંટણી માટે મતદાન 7 મેના રોજ એટલે કે લોકસભાની ચૂંટણીના મતદાન સાથે જ થશે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0