કર્ણાટક સેક્સ સ્કેન્ડલ કેસ: પોલીસે પ્રજ્વલ અને પિતાને કહ્યું- હાજીર હો...
![top-news](https://gujaratvandan.com/public/uploads/images/newsimages/GujaratVandan01052024_054617_Sex Scandal 22.webp)
- 01 May, 2024
પૂર્વ વડાપ્રધાન એચ ડી દૈવ ગૌડાના ધારાસભ્ય પુત્ર એચ ડી રેવન્ના(67 વર્ષ) અને સાંસદ પૌત્ર પ્રજ્વલ રેવન્ના(33 વર્ષ)ની સેક્સ સ્કેન્ડલ કેસમાં મુશ્કેલી વધી રહી છે. તેમના મેડની ફરિયાદના આધારે બંનેની વિરુદ્ધ યૌન શોષણના આરોપમાં એફઆઈઆર નોંધવામાં આવી છે. હવે સ્પેશિયલ ઈન્વેસ્ટીગેશન ટીમે બંને આરોપીઓને નોટીસ ફટકારી છે અને પૂછપરછ માટે બોલાવ્યા છે. આ પહેલા જેડીએસએ પ્રજ્વલને પાર્ટીમાંથી સસ્પેન્ડ કરી દીધો છે અને તે એફઆઈઆર થતા પહેલા જ વિદેશ ભાગી ગયો છે.
પ્રજ્વલ સતત બીજી વખત હાસન સીટથી જેડીએસ-બીજેપી એલાયન્સનો ઉમેદવાર હતો. અહીં બીજા તબક્કામાં જ વોટિંગ થઈ ગયું હતું. તે પછીથી પ્રજ્વલ જર્મની જતો રહ્યો છે. ઉલ્લેખનીય છે કે વોટિંગના બે દિવસ પહેલા જ પ્રજ્વલના કથિત યૌન શોષણના વીડિયો વાઈરલ થયા હતા. કર્ણાટક રાજ્ય મહિલા આયોગની ભલામણ પર મુખ્યમંત્રી સિદ્ધારમૈયાએ તપાસ માટે એસઆઈટી રચવા અંગેના નિર્દેશ આપ્યા હતા. 28 એપ્રિલે હાસન ક્ષેત્રના હોલેનરાસીપુર પોલીસ સ્ટેશમાં ઘરમાં પહેલા કામ કરી ચુકેલી મહિલાએ પ્રજ્વલ અને તેમના ધારાસભ્ય પિતા એચ ડી રેવન્નાની વિરુદ્ધ યૌન શોષણ કરવા અંગેની એફઆઈઆર નોંધાવી હતી. એડીજીપી બી કે સિંહના નેતૃત્વમાં ત્રણ સભ્યની ટી મ હાલ આ અંગેની તપાસ કરી રહી છે.
હાલ એસઆઈટી તપાસમાં એ વાત સ્પષ્ટ થઈ ગઈ છે કે કેટલા વીડિયો છે અને તે ક્યારે બનાવવામાં આવ્યા છે. પ્રજ્વલ રેવન્નાના અલગ-અલગ છોકરીઓ સાથે 2500થી વધુ અશ્લીલ વીડિયો છે. તપાસ એજન્સીને એક પેન ડ્રાઈવ મળી છે, જેમાં રેવન્ના સાથે જોડાયેલા અશ્લીલ વીડિયો છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ