ગુજરાત વંદન

અમેરિકાએ ઈઝરાયલ માટે યુદ્ધ સામગ્રી રોકી: રાષ્ટ્રપતિને શંકા, રફા શહેર પર થઈ શકે હુમલો

08 May, 2024

લડાકું ઈઝરાયલને ઠંડુ પાડવા માટે અમેરિકાએ એક મહત્વનો નિર્ણય કર્યો છે. વોશિંગ્ટનની એડમિનિસ્ટ્રેશન ઓફિસના જણાવ્યા મુજબ ગત અઠવાડિયે યુએસ પ્રેસિડન્ટ જો બાઈડને એક યુદ્ધના શસ્ત્રોથી ભરેલા ઈઝરાયલ મોકલવામાં આવતા જહાજને અટકાવી દીધું છે. અમેરિકાએ આ પગલું એટલા માટે લીધું છે કે યુએસએ બનાવેલા સશસ્ત્રનો ઉપયોગ ઈઝરાયલ રફા શહેર પર કરવામાં આવનાર હુમલામાં ન કરે.

આ અંગે અધિકારીએ માહિતી આપતા જણાવ્યું હતું કે બાઈડને 1,800 2,000-પાઉન્ડ બોમ્બ અને 1,700 500-પાઉન્ડ બોમ્બનો ઉપયોગ રફા શહેર પર કરવામાં આવનાર હુમલામાં ન થાય તે માટે લીધો છે. હાલ રફામાં ગાઝા પટ્ટીના 1 મિલિયન જેટલા લોકોને શરણું આપવામાં આવ્યું છે. ગાઈડન્સ કિટને પણ ઈઝરાયલ જતી રોકવી કે કેમ તે અંગે હાલ ચર્ચા વિચારણ કરવામાં આવી છે. આ ગાઈડન્સ કિટનો ઉપયોગ કરીને ડમી બોમ્બમાંથી દારૂગોળો બનાવવામાં આવે છે.

હમાસે ઈઝરાયલ પર 7 ઓક્ટોબરના રોજ હુમલો કર્યો હતો. આ હુમલો થયો ત્યારથી અત્યાર સુધીમાં પ્રથમ વખત અમેરિકાએ ઈઝરાયલને અપવામાં આવનારા 3500 બોમ્બને પહોંચાડવામાં વિલંબ કર્યો છે. ઉલ્લેખનીય છે કે બાઈડનને સાથી પક્ષોએ આ અગાઉ ઘણી વખત ઈઝરાયલને હથિયાર ન પહોંચાડવા કે હથિયાર પહોંચાડવાનું પ્રમાણ મર્યાદિત કરવાની વિનંતી કરી હતી. જોકે યુએસ ઈઝરાયલની તરફેણમાં હોવાથી બાઈડને અગાઉ આ વાતને ધ્યાને લીધી નહોતી અને ઈઝરાયલને હથિયાર પહોંચાડવાનું ચાલુ રાખ્યું હતું.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0