માધવપુરમાં રાષ્ટ્રીય મેળાનું આયોજન : ગુજરાત - ઉત્તર પૂર્વ રાજ્યોના ખેલાડીઓ વચ્ચે બીચ રમતોની જંગ
![top-news](https://gujaratvandan.com/public/uploads/images/newsimages/GujaratVandan16042024_110848_WhatsApp Image 2024-04-16 at 4.38.22 PM.jpeg)
- 16 Apr, 2024
પોરબંદર પાસેનો માધવપુરનો રાષ્ટ્રીય મેળો શરૂ થવા જઈ રહ્યો છે ત્યારે આ મેળામાં સ્પોર્ટ્સ ઓથોરીટી ઓફ ગુજરાત દ્વારા બીચ સ્પોર્ટ્સ ફેસ્ટીવલ યોજવામાં આવશે. જે સૌના આકર્ષણનું કેન્દ્ર બનશે. આ બીચ ફેસ્ટિવલમાં ગુજરાત અને ઉત્તર પૂર્વ રાજ્યોના ખેલાડીઓ વચ્ચે બીચ રમતોની જંગ જામશે.
માધવપુર મેળામાં સ્પોર્ટ્સ ઓથોરીટી ઓફ ગુજરાત દ્વારા બીચ સ્પોર્ટ્સ ફેસ્ટીવલનું આયોજન કરવામાં આવશે. માધવપુરના મેળામાં રળિયામણા બીચ ઉપર રમતોની રંગત જામશે. પોરબંદરના માધવપુર ખાતે દર વર્ષની જેમ આ વર્ષે પણ રાષ્ટ્રીય કક્ષાના મેળાનું આયોજન કરવમાં આવ્યું છે. માધવપુરના મેળામાં આગામી ૧૮ - ૨૦ એપ્રિલ ૨૦૨૪ના રળિયામણા બીચ પર સ્પોર્ટ્સ ઓથોરીટી ઓફ ગુજરાત દ્વારા બીચ સ્પોર્ટ્સ ફેસ્ટીવલ ૨૦૨૪નું આયોજન કરવામાં આવ્યું છે.
આ બીચ સ્પોર્ટ્સ ફેસ્ટીવલમાં ગુજરાત અને ઉત્તર પૂર્વ રાજ્યોના ખેલાડીઓ વચ્ચે બીચ રમતોની જંગ જામશે. આ બીચ સ્પોર્ટ્સમાં ઉત્તર-પૂર્વના રાજ્યોના ખેલાડીઓ માટે જુડો અને ટેક્વેન્ડો રમતોની સ્પર્ધાઓ કરવામાં આવશે. જયારે બીચ હેન્ડબોલ, બીચ વોલીબોલ. ૭-અ સાઈટ ફૂટબોલ, બીચ કબડ્ડી, બીચ દોડ, રસ્સાખેંચ જેવી રમતોની ડેમો સ્પોર્ટ્સનું આયોજન કરવામાં આવ્યું છે.
માધવપુર ઘેડ ખાતે ગત વર્ષની જેમ આ વર્ષે પણ ભગવાન શ્રીકૃષ્ણ અને રૂક્મણીના વિવાહનો પ્રસંગ રામનવમીના પાવન પર્વએ ધામધૂમથી ઉજવવામાં આવશે. મેળાનો શુભારંભ રાજ્યપાલ આચાર્ય દેવવ્રતજીના હસ્તે કરવામાં આવશે. મેળાના પ્રથમ દિવસે એટલે કે ૧૭ એપ્રિલના જીતુભાઈ દ્વારકાવાળા, રાજુભાઈ બારોટ, સાગર કાચા તેમજ ૧૮ એપ્રિલે ઓસમાણ મીર, આમીરભાઇ મીર અને ૧૯ એપ્રિલના દિવસે એટલે કે મેળાના ત્રીજા દિવસે કિંજલ દવે લોક ડાયરાના આનંદ રૂપે લોકસાહિત્ય અને ભક્તિમય ગીતોની પ્રસ્તુતિ કરશે. ૨૦ એપ્રિલના માયાભાઈ આહીર તેમજ ૧૬ થી ૨૧ એપ્રિલ સુધી વિવિધ કલાકારો માધવપુરના આ રાષ્ટ્રીય કક્ષાના મેળામાં લોક ડાયરાની જમાવટ કરશે. સાંસ્કૃતિક કાર્યક્રમો આનંદ અને ઉત્સાહથી માનવ મહેરામણ માણી શકે તે માટે વિશાળ એ.સી.ડોમ પણ તૈયાર કરવામાં આવ્યો છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ