ગેંગસ્ટર મુખ્તાર અંસારીના ભાઈને મળી ચૂંટણીની ટિકિટ: સપાએ ગાઝીપુર બેઠક પરથી બસપાના સાંસદ અફઝલ અંસારીને ઉમેદવાર બનાવ્યા
- 20 Feb, 2024
ચુંટણીમાં પોતાના પક્ષનો વિજય થાય તે હેતુ થી પાર્ટીઓ અવનવી ફોર્મુલા અપનાવતા હોય છે,બીજી પાર્ટી સાથે ગઠબંધન કરીને પણ જીત મેળવવા માટેની તૈયારી કરતાં હોય છે, હાલ દેશના રાજકારણમાં પણ કઈક આવુંજ થઈ રહ્યું હોય એવું જૉવા મળી રહ્યું છે.ઉત્તરપ્રદેશમાં સમાજવાદી પાર્ટીએ લોકસભા ચૂંટણી 2024 માટે ઉમેદવારોની બીજી યાદી જાહેર કરી છે.
આ યાદીમાં કુલ 11 ઉમેદવારોના નામ જાહેર કરવામાં આવ્યા છે, જેમાં સપાએ ગાઝીપુર લોકસભા બેઠક પરથી બસપાના સાંસદ અફઝલ અંસારીને ઉમેદવાર બનાવ્યા છે. અંસારીના કહેવા પ્રમાણે, ગાઝીપુરના લોકો 2024માં પણ તેમની સાથે છે.આ એ જ અફઝલ અંસારી છે, જેને થોડા સમય પહેલા ગેંગસ્ટર એક્ટ કેસમાં કોર્ટે સજા સંભળાવી હતી અને પછી તેને સાંસદ પદ પણ ગુમાવવું પડ્યું હતું.
તે ગેંગસ્ટરમાંથી રાજકારણી બનેલા મુખ્તાર અંસારીના ભાઈ પણ છે. હાલમાં સપામાંથી ટિકિટ મળ્યા બાદ અફઝલ અંસારીનું વલણ પણ કડક બન્યું છે. તેમણે ચૂંટણી મેદાનમાં ઉતરવા માટે ગર્જના કરી છે.લોકસભા ચૂંટણીની ટિકિટ મળ્યા બાદ અફઝલે ભાજપ પર પ્રહાર કર્યો અને જીતનો દાવો કર્યો હતો.
અફઝલનું કહેવું છે કે આ વખતે તેઓ ઈતિહાસ રચશે. એમને સરકારી તંત્ર દ્વારા લૂંટવામાં આવ્યો છે પણ આ વખતે ચૂંટણી લડવા માટે તેઓ એમના બાપ-દાદાની જમીન વેચીને ચૂંટણી લડશે. આ વખતે મોદી ફેક્ટર અહીં કામ નહીં કરે. રામ મંદિર દરેકની આસ્થાનું પ્રતિક છે પરંતુ આ વખતે ભાજપને રામના નામનો લાભ નહીં મળે.
અફઝલ અંસારીના મોટા ભાઈ મુખ્તાર અંસારી માફિયા છે અને બાંદા જેલમાં બંધ છે. જોકે, મુખ્તાર અંસારી પોતે જેલની અંદરથી ચૂંટણી લડે છે અને સતત જીતી રહ્યો છે. 2022માં મુખ્તારે તેમની જગ્યાએ તેમના પુત્રને ટિકિટ આપી હતી અને તેઓ જીતવામાં સફળ પણ રહ્યા હતા.
અફઝલ અંસારીએ લોકસભા ચૂંટણી 2019માં ગાઝીપુરથી બીજેપીના મનોજ સિન્હાને હરાવ્યા હતા. ઉપરાંત તેમને ગેંગસ્ટર એક્ટ હેઠળ 4 વર્ષની જેલની સજા ફટકારવામાં આવી હતી. જ્યારે તેમના ભાઈ મુખ્તારને 10 વર્ષની સજા ફટકારવામાં આવી હતી.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
