ચૂંટણી પંચની ટીમ 12 મીથી જમ્મુ-કાશ્મીરની મુલાકાતે લોકસભાની ચૂંટણીની તૈયારીઓની સમીક્ષા કરશે
- 09 Mar, 2024
ચૂંટણી પંચની ટીમ 12-13 માર્ચે જમ્મુ-કાશ્મીરની મુલાકાત લઈ શકે છે. લોકસભાની ચૂંટણીની તૈયારીઓની સમીક્ષા કરવાની સાથે ચૂંટણી પંચની ટીમ લેફટન્ટ ગવર્નરને પણ મળશે. ચૂંટણી પંચની ટીમ લેફ્ટનન્ટ ગવર્નર સાથે વિધાનસભા ચૂંટણી અંગે ચર્ચા કરશે.
આગામી લોકસભા ચૂંટણીની તૈયારીઓની સમીક્ષા કરવા ,મુખ્ય ચૂંટણી કમિશનરના નેતૃત્વમાં ચૂંટણી પંચની ટીમ 12-13 માર્ચે બે દિવસની મુલાકાતે જશે. મુલાકાત દરમિયાન આ ટીમ મતદાન મથકોની તૈયારી, મતદાર યાદીની સ્થિતિ, આંતરીયાળ વિસ્તારોમાં ટેલિકોમ કનેક્ટિવિટી, મતદાર જાગૃતિ અભિયાન અને સુરક્ષા તથા કાયદો અને વ્યવસ્થાની સમીક્ષા કરશે. પ્રથમ દિવસે સુરક્ષા સંબંધિત મુદ્દાઓની સમીક્ષા કરવા માટે મુખ્ય ચૂંટણી અધિકારી રાજ્યના DGP અને જમ્મુ-કાશ્મીરના કેન્દ્રીય પોલીસ દળોના નોડલ અધિકારી સાથે ચર્ચા કરશે.
ત્યારબાદ તેઓ તમામ પક્ષોના પ્રતિનિધિઓ સાથે તથા તમામ જિલ્લા મેજિસ્ટ્રેટ અને જિલ્લાચૂંટણી અધિકારીઓ સાથેની બેઠક કરશે. વિવિધ ઝોનના તમામ એસપી, કમિશનર અને ઈન્સ્પેક્ટર જનરલ પણ આ બેઠકમાં ભાગ લેશે.મુલાકાતના છેલ્લા તબક્કામાં, તેઓ રાજ્યના મુખ્ય ચૂંટણી અધિકારી અને કેન્દ્રીય પોલીસ દળોના નોડલ અધિકારી સાથે ફરીથી વિવિધ મુદ્દાઓ પર ચર્ચા કરશે. બાદમાં આવકવેરા, આબકારી વિભાગ અને કસ્ટમ્સના અધિકારીઓ સાથે કાળા નાણાં, દારૂ અને અન્ય પ્રતિબંધિત વસ્તુઓના ઉપયોગને રોકવા માટે ચર્ચા કરશે અને તૈયારી કરશે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
.webp)
.webp)
