ગુજરાત વંદન

બ્રાઝિલમાં બંદૂકની અણીએ બસ હાઈજેક: બસ માં સવાર હતા 18 મુસાફરો, અફરા-તફરીમાં બે મુસાફરો ઘાયલ...

13 Mar, 2024

દક્ષિણ અમેરિકન દેશ બ્રાઝિલના રિયો ડી જાનેરોમાં અચાનક એક બંદૂકધારીએ બસ હાઈજેક કરી લીધી , એ દરમ્યાન બસમાં ૧૮ મુસાફરો સવાર હતા. આ ઘટનાથી સમગ્ર શહેરમાં સનસનાટી મચી ગઈ હતી. મળતી માહિતી મુજબ શહેરના મુખ્ય એસટી બસ ડેપો પર એક બંદૂકધારી વ્યક્તિ બંદૂક સાથે બસમાં ઘૂસી ગયો હતો.ત્યારબાદ તેણે બસમાં સવાર 18 લોકોને બંદૂકની અણીએ બંધક બનાવી લીધા હતા.

પરંતુ આ અફરાતફરીમાં બસમાં બેઠેલા બે મુસાફરો ફાયરિંગમાં ઘાયલ પણ થયા હતા. આ ઘટનાની જાણ થતા જ શહેરમાં હડકંપ મચી ગયો હતો.ત્યારબાદ પોલીસે સમગ્ર વિસ્તારની ઘેરાબંધી કરી લીધી હતી.કલાકોની મથામણ અને વાટાઘાટો બાદ હુમલાખોરે સામે આવીને આત્મસમર્પણ કરી દીધુ હતુ.પોલીસે તેની ધરપકડ કરી અને તમામ બંધકોને છોડાવી લીધા હતા.

પોલીસનુ કહેવુ છે કે, સરેન્ડર કરતા પહેલા આ વ્યક્તિએ બે વ્યક્તિઓને ગોળી મારીને ઘાયલ પણ કર્યા હતા.બસમાં વૃધ્ધો અને બાળકો પણ મુસાફરી કરી રહ્યા હતા.તમામને સહીસલામત છોડાવી લેવાયા છે. પોલીસે હાઈજેક કરનાર વ્યક્તિની ઓળખ જાહેર નથી કરી અને પોલીસ તેની પૂછપરછ કરી રહી છે.આ વ્યક્તિએ બસ હાઈજેક કરવાનો પ્રયત્ન કેમ કર્યો તેની તપાસ પણ ચાલી રહી છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎