આંતરરાષ્ટ્રીય બોકસર વિજેન્દ્ર કુમાર ભાજપમાં સામેલ: બોક્સિંગમાં પદ્મશ્રી-અર્જુન એવોર્ડથી સન્માનિત
- 03 Apr, 2024
લોકસભાની ચુંટણીઓ માટે હવે ગણતરીના જ દિવસો બાકી રહ્યા છે. રાજકીય પાર્ટીઓનું પ્રચાર અભિયાન પુર જોશથી ચાલી રહ્યું છે, જેની સાથે ઉમેદવારોનું પક્ષ પલટી કરવાનો કાર્યક્રમ પણ ચાલુ જ છે, એવામાં આંતરરાષ્ટ્રીય બોકસર વિજેન્દ્ર કુમારને લઈ મોટા સમાચાર સામે આવી રહ્યા છે. તેઓ આજે ભાજપમાં સામેલ થયા છે. વિજેન્દ્ર સિંહને બોક્સિંગમાં પદ્મશ્રી અને અર્જુન એવોર્ડથી સન્માનિત કરવામાં આવ્યો હતો.બોક્સર વિજેન્દ્ર સિંહ બપોરે 3 વાગ્યે કોંગ્રેસ છોડીને ભાજપમાં જોડાયો છે. તેમણે વર્ષ 2019માં કોંગ્રેસની ટિકિટ પર દક્ષિણ દિલ્હીથી ચૂંટણી લડી હતી.
લોકસભા ચૂંટણી પહેલા કોંગ્રેસને વધુ એક ઝટકો લાગ્યો છે. બોકસર વિજેન્દ્ર સિંહ ભાજપમાં જોડાયો છે. આ પહેલા તેમણે સોશિયલ મીડિયા પર એક લાઈન પોસ્ટ કરી હતી. ત્યારબાદ એવી અટકળો થઈ રહી હતી કે, વિજેન્દ્ર સિંહ ભાજપમાં સામેલ થઈ શકે છે.
વિજેન્દ્ર કુમારે વર્ષ 2019માં લોકસભા ચૂંટણી પહેલા રાજનીતિમાં એન્ટ્રી કરી હતી. તેમણે કોંગ્રેસની ટિકિટ પરથી દક્ષિણ દિલ્હીથી ચૂંટણી લડી હતી. તે ભાજપના રમેશ બિધૂડી સામે ચૂંટણી હારી ગયો હતો. બિધૂડીને 6 લાખ 87 હજારથી વધારે મત મળ્યા હતા. આમ આદમી પાર્ટીના રાધવ ચઢ્ઢાને 3 લાખ 19 હજારથી વધુ મત મળ્યા હતા. તો વિજેન્દ્ર કુમારને 1 લાખ 64 હજારથી વધારે મત મળ્યા હતા.
વિજેન્દ્ર કુમાર મુળ હરિયાણા જિલ્લાના ભિવાનીનો રહેવાસી છે. તે જાટ સમુદાયમાંથી આવે છે. ત્યારે પશ્ચિમી યુપી અને હરિયાણાની સીટ પર ભાજપ માટે ફાયદો થઈ શકે છે. વિજેન્દ્રે 2008માં ઓલિમ્પિકમાં બ્રોન્ઝ મેડલ જીત્યો હતો. એશિયન ગેમ્સમાં તેમણે ગોલ્ડ મેડલ પોતાને નામ કર્યો હતો.
લોકસભા ચૂંટણી 2024ની તારીખોની જાહેરાત થઈ ચૂકી છે. લોકસભાની ચૂંટણી માટે ૧૯ એપ્રિલ થી ૧ જૂન દરમિયાન મતદાન થશે અને 4 જૂનના રોજ પરિણામ આવશે.જે માટે તમામ પાર્ટીઓ મહેનતમાં લાગી ચૂકી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
