ગુજરાત વંદન

આરોપીને નજરકેદ ભારે પડી: સરકારને ચુકવવા પડશે 1.64 કરોડ...

10 Apr, 2024

સુપ્રીમ કોર્ટે એક્ટિવિસ્ટ ગૌતમ નવલખા સાથે એ વાતની સ્પષ્ટતા કરી છે કે નજરકેદમાં રહેવા દરમિયાન મળેલી સુરક્ષાનો ખર્ચ તેમણે જ આપવો પડશે. કોર્ટે કહ્યું કે મહારાષ્ટ્ર સરકાર દ્વારા સુરક્ષા માટે મોકલવામાં આવેલા પોલીસ કર્મચારીઓનો ખર્ચની ચુકવણીથી તેઓ ન બચી શકે. આ માટેનું કારણ જણાવતા કોર્ટે કહ્યું કે તેમણે પોતે જ હાઉસ એરેસ્ટની માંગણી કરી હતી.

નેશનલ ઈન્વેસ્ટીગેશન એજન્સીએ જસ્ટિસ એમએમ સુંદરેશ અને જસ્ટિસ એસવીએન ભટ્ટીની બેન્ચે જણાવ્યું કે નજરકેદમાં રહેવા દરમિયાન નવલખા પર 1.64 કરોડ રૂપિયાનો ખર્ચ કરવામાં આવ્યો હતો. જેની તેમણે ચુકવણી કરવાની છે. ઉલ્લેખનીય છે કે તેમની અલ્ગાર પરિષદ-માર્કસિસ્ટને લગતા મામલામાં ધરપકડ કરવામાં આવી હતી. તેમના સ્વાસ્થ્યને ધ્યાનમાં રાખીને કોર્ટે તેમની નજરકેદની માંગણી કરતી અરજીને ગ્રાહ્ય રાખી હતી.

કોર્ટે એક્ટિવિસ્ટ નવલખાના વકીલને કહ્યું કે તમે નજરકેદની માંગ કરી હોવાથી આ અંગેના ખર્ચની ચુકવણી પણ તમારે જ કરવાની રહેશે. બેન્ચે કહ્યું કે ચુકવણીની જવાબદારીમાંથી તમે છટકી ન શકો. કારણ કે આ અંગેની માંગણી પણ તમારા દ્વારા જ કરવામાં આવી હતી. એનઆઈએ જણાવ્યું કે 1.64 કરોડ રૂપિયાની ચુકવણી કરવાની નીકળે છે, જે નવલખાએ કરવાની રહેશે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0