ગુજરાત વંદન

ભાજપના ઉમેદવાર સાથે અછૂત જેવો વ્યવહાર: જાણો તેમને શું કહે છે મુસ્લિમ મતદારો

18 Apr, 2024

કેરળના ભાજપના એક મુસ્લિમ ઉમેદવાર સાથે મસ્જિદ સહિત માર્કેટમાં લોકો "હરામ"(અછૂત જેવું) જેવો વ્યવહાર કરી રહ્યાં છે. ડોક્ટર અબ્દુલ સલામ કેરળના ભાજપના એકમાત્ર મુસ્લિમ ઉમેદવાર છે. તેઓ મલ્લાપુરમ મતવિસ્તારમાંથી ચૂંટણી લડી રહ્યાં છે. અહીં કુલ વસ્તીના 68.4 ટકા મતદારો મુસ્લિમ છે. ચૂંટણી પ્રચારનો પ્રત્યેક દિવસ ડોક્ટર અબ્દુલ માટે પડકાર સમાન સાબિત થઈ રહ્યો છે.

મલ્લપુરમ ગામની મંદીન મસ્જિદ ખાતે ઈદની નમાઝ અદા કર્યા પછી ડોક્ટર અબ્દુલે પુલ્લિકલ ગામ નજીક મતદારો સાથે વાતચીત કરી હતી. આ દરમિયાન થયેલા ખરાબ અનુભવ વિશે વાત કરતા તેમણે કહ્યું કે નમાઝ પછી હું મસ્જિદની બહાર આવ્યો અને તે સમયે 60 વર્ષના એક વૃદ્ધે મને ઈદની શુભકામના પાઠવી અને પછીથી મારુ અપમાન કરતા કહ્યું કે તમે તો રાજદ્રોહી છો. મારી આસપાસના લોકો પણ આ સાંભળી ચૂપ થઈ ગયા હતા. તે સમયે ખરેખર હું ભાગી પડ્યો હતો. હું પણ મુસ્લિમ જ છું પરંતુ ભાજપમાં જોડાયો એટલે આ લોકોએ મારી સાથેનો વ્યવહાર બદલી નાંખ્યો છે.

ડોક્ટર સલામ કોલકતા યુનિવર્સિટીના કુલપતિ પણ રહી ચુક્યા છે. તેઓ વડાપ્રધાન નરેન્દ્ર મોદીના ફેન છે. જોકે તેઓ તેમની સાથે તેમની કોમ દ્વારા કરાતા વ્યવહારને બાજુ પર મુકીને ચૂંટણીપ્રચારમાં એનડીએ સકારે કરેલા વિકાસના કાર્યની વાત કરે છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0