કોંગ્રેસે નિલેશ કુંભાણીને છ વર્ષ માટે સસ્પેન્ડ કર્યા: ટેકેદારો હાજર ન રહેતા ફોર્મ રદ થયું હતું
- 26 Apr, 2024
સુરતના કોંગ્રેસના ઉમેદવાર નિલેશ કુંભાણી સામે કોંગ્રેસે મોટી કાર્યવાહી કરી છે. કોંગ્રેસની શિસ્ત સમિતિએ તેમને 6 વર્ષ માટે પક્ષમાંથી સસ્પેન્ડ કરી દીધા છે. પ્રાપ્ત માહિતી મુજબ, ફોર્મ અમાન્ય ઠરવા બદલ નિષ્કાળજીને લઈને કોઈ પણ પ્રકારનો ખુલાસો તેમણે ન કરતા પાર્ટીએ તેમને સસ્પેન્ડ કરવાનો નિર્ણય લીધો છે. કુંભાણી હાલ ક્યા છે તે અંગે પણ કોઈ જાણકારી નથી, તેના પગલે કોંગ્રેસમાં નારાજગી જોવા મળી રહી છે.
લોકસભા ચૂંટણી માટે ઉમેદવારી ફોર્મ ભર્યા બાદ નિલેષ કુંભાણીના ફોર્મમાં મોટી ખામી સામે આવી હતી. જેમાં કુંભાણીના ટેકેદારો અને તેમની સહી અયોગ્ય ઠરી હતી. તે પછીથી કાર્યવાહી થઈ હતી અને કલેક્ટર કચેરીએ તપાસ માટે બોલાવામાં આવ્યા હતા. પછીથી એક દિવસનો સમય કુંભાણીને અપાયો હતો. જોકે કુંભાણી તેમના ટેકેદારોને હાજર કરી શક્યા ન હતા, તેના પગલે અંતે તેમનું ફોર્મ રદ થયુ હતુ. તે પછીથી એવી પણ ચર્ચાઓ ચાલી રહી છે કે તેઓ ભાજપમાં જોડાશે. આ ચર્ચાઓને પગલે તેમના ઘરની બહાર કોંગ્રેસ કાર્યકર્તાઓએ દેખાવો કર્યા હતા અને તેમને ગદ્દાર કીધા હતા. જોકે હજી સુધી કુંભાણી કઈ જગ્યાએ છે, તેના કોઈ સમાચાર મળ્યા નથી.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ
.webp)
.webp)
.webp)
.webp)
.webp)
