ગુજરાત વંદન

શેરબજારમાં મોટા કડાકાને પગલે કરોડો ડૂબ્યા: સેન્સેક્સ 1062 અંક ઘટી 72404 પર બંધ, રોકાણકારોના 7 લાખ કરોડ રૂપિયા ધોવાયા

09 May, 2024

ગુરુવારે શેરબજારમાં ભારે ઉથલપાથલ જોવા મળી હતી. સેન્સેક્સ 1062 અંક ઘટીને 72404ની સપાટીએ બંધ રહ્યો હતો. જ્યારે નિફ્ટી 345 અંક ઘટીને 21957ની સપાટીએ બંધ રહ્યો હતો. આ ઘટાડાના પગલે રોકાણકારોને 7 લાખ કરોડ રૂપિયાથી વધુનું નુકસાન થયું છે.

પ્રારંભિક કારોબારમાં શેરબજારમાં થોડો ઘટાડો જોવા મળ્યો હતો. જોકે બાદમાં ભારે પ્રોફિટબુકિંગના પગલે ભારે વેચવાલી જોવા મળી હતી અને થોડા સમયમાં માર્કેટમાં ભારે ઘટાડો જોવા મળ્યો હતો. આજના ઘટાડાના મોટા કારણો પૈકીનું એક કારણ એ પણ છે કે બુધવારે વિદેશી રોકાણકારો દ્વારા 6669.10 કરોડ રૂપિયાના શેર વેચવામાં આવ્યા હતા. પાંચ કારોબારી સત્રોમાં કુલ 15863 કરોડ રૂપિયાની ઈક્વિટી વેચવામાં આવી છે. આ સિવાય કેટલીક કંપનીઓના ખરાબ પરિણામના કારણે પણ શેરબજારમાં ભારે ઘટાડો નોંધાયો છે. આજે નિફ્ટીની એક્સપાયરી પણ હતી, જેની અસર બજાર પર નેગેટિવ રહી છે.

ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ‎

https://shorturl.at/hjzN0