Why Pakistan minister allowed to visit India MEA response: ભારતમાં પાકિસ્તાનના મંત્રીની હાજરીને લઈને વિદેશ મંત્રાલયે સ્પષ્ટતા આપી છે કે, તેમને શાંઘાઈ કોઓપરેશન ઓર્ગેનાઈઝેશન (SCO) હેઠળ આયોજિત બહુપક્ષીય કાર્યક્રમમાં સામેલ થવાનું આમંત્રણ આપવામાં આવ્યું છે. વિદેશ મંત્રાલયના પ્રવક્તા રણધીર જાયસ્વાલે કહ્યું કે, SCO ના તમામ સભ્ય દેશોને આ કાર્યક્રમમાં આમંત્રિત કરવામાં આવ્યા છે, જેમાં પાકિસ્તાનનું નામ પણ સામેલ છે.
પાકિસ્તાનને કેમ આપ્યું આમંત્રણ?
ભારત 20 થી 22 નવેમ્બર સુધી નવી દિલ્હીમાં પહેલાં SCO સિવિલાઇઝેશન ડાયલૉગની મેજબાની કરી રહ્યું છે. રણધીર જાયસ્વાલે સોશિયલ મીડિયા પર પોસ્ટ કરીને જણાવ્યું કે, આ SCO ના માળખા હેઠળ આયોજિત થનારો બહુપક્ષીય કાર્યક્રમ છે. તેના માટે સંગઠનના તમામ સભ્ય દેશો સિવાય નિરીક્ષક દેશો અને સંવાદના ભાગીદારોને પણ આમંત્રણ મોકલવામાં આવ્યું છે.
PM મોદી કાર્યક્રમનું કરશે ઉદ્ઘાટન
આ કાર્યક્રમનું ઉદ્ઘાટન આજે સાંજે વડાપ્રધાન નરેન્દ્ર મોદી કરશે. વિદેશ મંત્રાલયે સ્પષ્ટ કર્યું કે, પાકિસ્તાનને આમંત્રણ આપવું કોઈ દ્વિપક્ષીય પહેલનો ભાગ નથી, પરંતુ SCO ના તમામ સભ્યોને બોલાવવાની પ્રક્રિયા હેઠળ છે.
ભારત આયોજિત કરી રહ્યું છે SCO સિવિલાઇઝેશન ડાયલૉગ
ભારત 20થી 22 નવેમ્બર સુધી નવી દિલ્હીના જૂના કિલ્લામાં પહેલાં SCO સિવિલાઇઝશન ડાયલૉગની મેજબાની કરી રહ્યું છે. ત્રણ દિવસીય આ કાર્યક્રમનું આયોજન સંસ્કૃતિ મંત્રાલય અને વિદેશ મંત્રાલય મળીને કરી રહ્યા છે. વડાપ્રધાન નરેન્દ્ર મોદી 20 નવેમ્બરે તેનું ઉદ્ઘાટન કરશે.
પાક. મંત્રી આવશે ભારત
નોંધનીય છે કે, પાકિસ્તાને આ કાર્યક્રમમાં સામેલ થવા માટે આબોહવા પરિવર્તન અને પર્યાવરણીય સંકલન માટેના સંઘીય મંત્રી મુસાદિક મસૂદ માલિકને પોતાના પ્રતિનિધિ બનાવ્યા છે. મે 2023 પછી આ પહેલીવાર છે, જ્યારે પાકિસ્તાનના કોઈ સંઘીય મંત્રી ભારત આવશે.








