Malhar Patekar Breaks Silence On Tanushree Dutta Controversy: બોલિવૂડના દિગ્ગજ અભિનેતા નાના પાટેકરના દુઃખદ નિધન બાદ સોશિયલ મીડિયા પર અનેક પ્રકારની ચર્ચાઓ અને વિવાદો શરૂ થયા છે. ખાસ કરીને અભિનેત્રી તનુશ્રી દત્તા દ્વારા આપવામાં આવેલા નિવેદનો બાદ માહોલ વધુ ગરમાયો છે. આ તમામ બાબતો વચ્ચે હવે નાના પાટેકરના પુત્ર મલ્હારે આગળ આવીને સમગ્ર મામલે પોતાનું મૌન તોડ્યું છે અને સ્પષ્ટતા કરી છે.
તનુશ્રી દત્તા સાથેના જૂના વિવાદ પર પ્રતિક્રિયા
તનુશ્રી દત્તા સાથેના જૂના વિવાદ વિશે વાત કરતા મલ્હારે સીધું નામ લીધા વગર જણાવ્યું કે જે મામલાનો વારંવાર ઉલ્લેખ કરવામાં આવી રહ્યો છે, તે ક્યારનોય પૂરો થઈ ચૂક્યો છે. આ અંગે કોર્ટ દ્વારા પણ અગાઉ જ સ્થિતિ સ્પષ્ટ કરી દેવામાં આવી છે. છતાં પણ જો કેટલાક લોકો આ વિશે ખોટી વાતો ફેલાવતા હોય, તો તેવા લોકો વિશે અમારે કંઈ નથી કહેવું. સત્ય હંમેશાં સત્ય જ રહે છે અને ભગવાન એવા લોકોનું ભલું કરે તેવી અમારી ભાવના છે.
પરિવાર અને પિતા સાથેના સંબંધોની વાસ્તવિકતા
સોશિયલ મીડિયા પર પરિવાર વિશે થઈ રહેલી ચર્ચાઓ અને ટ્ર્રોલિંગ પર નારાજગી વ્યક્ત કરતા મલ્હારે કહ્યું કે, અમને બહારના લોકો શું વિચારે છે તેનાથી કોઈ ફરક નથી પડતો. બાળપણથી જ અમને માતા-પિતા તરફથી મુશ્કેલ પરિસ્થિતિઓમાં લડવાની શક્તિ મળી છે. અમારો પરિવાર ભાવનાત્મક રીતે એકબીજા સાથે મજબૂતીથી જોડાયેલો છે. માત્ર ઇન્સ્ટાગ્રામ પર ફેમિલી ફોટો શેર ન કરવાથી એ સાબિત નથી થતું કે પરિવારમાં પ્રેમ નથી. મારા માતા-પિતાના અલગ થયા પછી પણ સંબંધો ખૂબ જ સારા હતા અને તેમનો 39 વર્ષનો લાંબો સંબંધ હતો.
પિતાની દિનચર્યા અને 8 ઓક્ટ્બરની દુઃખદ ઘટના
મલ્હારે 8 ઓક્ટોબરે ગોવામાં બનેલી દુઃખદ ઘટનાને યાદ કરતા જણાવ્યું કે પિતા જરાય એકલા નહોતા અને હંમેશાં ખૂબ જ સક્રિય જીવન જીવતા હતા. તેઓ દરરોજ અઢી કલાક કઠિન વર્કઆઉટ કરતા હતા, જે આજની યુવા પેઢી માટે અશક્ય જેવું છે. તે દિવસોમાં તેઓ માધુરી દીક્ષિત સાથે 'કૌન બનેગા કરોડપતિ' (KBC) નું શૂટિંગ કરવાના હતા. અચાનક તબિયત બગડતા તેમણે પોતે પરિવારને મેસેજ અને ફોન કર્યો હતો, પરંતુ પરિવારના સભ્યો પહોંચે તે પહેલા જ બહુ મોડું થઈ ગયું હતું.
પ્રોજેક્ટ્સ બાબતે પિતાની સ્પષ્ટ સોચ
નાના પાટેકર લાંબા સમયથી કેમ ઓછા પ્રોજેક્ટ્સ કરી રહ્યા હતા તેની સ્પષ્ટતા કરતા મલ્હારે જણાવ્યું કે, તેઓ એક સરખા રૂઢિચુસ્ત રોલ કરીને કંટાળી ગયા હતા. તેઓ માત્ર ભારે-ભરખમ ડાયલોગ બોલ્યા વિના કેવળ સાદા અભિનયથી પણ દર્શકોના દિલમાં છાપ છોડવા માંગતા હતા અને પોતાની જાતમાં સતત નવું પરિવર્તન લાવવા માટે ઉત્સુક રહેતા હતા.
